Өнгөрсөн дөрөвдүгээр сарын 23-нд Баянгол дүүргийн зургадугаар хороо, 25 дугаар эмийн сангийн урд замд согтуугаар тээврийн хэрэгсэл жолоодож яваад гарцаар зам хөндлөн гарч явсан 10 настай хүүхдийг дайрч, амь насыг нь хөнөөсөн Ш.Алтанхуягт 3.6 жилийн хорих ял оноожээ. Мөн тээврийн хэрэгсэл жолоодох эрхийг нь дөрвөн жил хүртэл хугацаагаар хассан байна. Хурал Баянгол дүүргийн шүүхэд болж, шүүгчээр Т.Өсөхбаяр оролцжээ. Түүнийг Эрүүгийн хуулийн 215.3-т зааснаар ялласан юм. Ш.Алтанхуяг нь осол гаргах үедээ 70 хувийн согтолттой, өөрийгөө хянах чадвараа алдсан байсан нь мөрдөн байцаалтаар тогтоогдсон юм. Тэрээр “Хишигтэн нүүдэлчин” гэх “Мон дулаан трейд” компанийн охин компанийн гүйцэтгэх захирлаар ажилладаг аж.