Цагдаагийн хоёр алба хаагч иргэдийг эрүүдэн шүүж байгаа бичлэг өчигдөр цахим сүлжээнд тархаж иргэдийн дургүйцлийг өдөөгөөд байгаа билээ. Уг бичлэг нь хоёр жилийн өмнөх бөгөөд цагдаагийн байгууллагын шалгалтаар тухайн алба хаагчдыг буруутай гэдгийг нь тогтоож, албан үүргээс нь чөлөөлөөд байна. Мөн уг хэргийг прокурорын байгууллагад шилжүүлжээ.
Иргэдийн зүгээс эрүүдэн шүүдэг энэ байдлыг таслан зогсоохын тулд тухайн алба хаагчдад хатуу хариуцлага хүлээлгэж, бусдад нь сургамж болгох ёстой гэж үзэж байна.
Тэгвэл энэ талаар ХЗДХ-ийн сайд Х.Нямбаатар “Цагдаагийн байгууллагад хүний эрхийг дээдэлж, хүнлэг энэрэнгүй байх явдлыг нэн тэргүүнд тавьж ажиллахыг үүрэг болгосоор ирсэн. Намайг ажил авахаас өмнөх бичлэг тарааж, олон нийтийн бухимдал үүсгэж байгаад харамсаж байна” гэлээ.
А.Сүх
Сэтгэгдэл (11)