Бэлгийн харилцаанд орох нас залуужиж байгааг 2005 онд Вашингтоны их сургуулийн эрдэмтэд судалж тогтоосон юм. Энэ нь мэдээлэл маш түргэн тархацтай болж, хүүхдүүдийн тархины чадавх нэмэгдсэнтэй холбоотой гэдэг.

Тэгвэл Их Британийн мэргэжилтнүүдийн тогтоосноор бэлгийн харилцаанд орох дээд нас сүүлийн 10 гаруй жилд эрс нэмэгдсэн байна. Европт 60 насыг сексийн хамгийн дээд цэг гэж тодорхойлж байсан юм.

Гэвч судлаач Мэгги Манселлын ярьснаар сүүлийн үеийн техник технологи, эрүүл мэндийн салбарын хөгжлөөс шалтгаалж хүмүүс 60-аас дээш 80 хүртэлх насандаа бэлгийн харьцаанд орох болжээ.

Эрүүл мэндийн тандалтын агентлагийн тогтоосноор 2000 онд европчууд дээд тал нь дунджаар 50 настайдаа бэлгийн харьцаанд ордог байсан аж. Гэвч энэ нь 2010 онд дээд тал нь 80 нас гэж судалгаагаар тогтоогджээ. Тиймээс 45-64 насыг бэлгийн харьцааны дундаж нас гэж тодорхойлж болох аж.

Мэгги Манселл “Өндөр настнууд бэлгийн харьцаанд орох нь тэдний хувьд мэдээж бахархалтай зүйл. Гэхдээ ийм насандаа секс хийх нь зүрхний шигдээсээр амиа алдахад хүргэх аюултай. Эрүүл мэнд хэчнээн сайн ч гэсэн өндөр настнуудад хөгшрөлтөөс шалтгаалж бэлгийн харьцааны үед ямар нэгэн урьдчилан тооцоолоогүй асуудал тулгарч болзошгүй” гэжээ.