Төрийн ордонд Нийтийн мэдээллийн тухай, Кибер аюулгүй байдлын тухай, Цахим гарын үсгийн тухай Хүний хувийн мэдээллийг хамгаалах тухай хуулийн төсөл болон бусад хуулийн төслийн талаар хэлэлцүүлэг болж байна.

Хэлэлцүүлэгт УИХ-ын гишүүн Н.Алтанхуяг, П.Анужин, Ж.Сүхбаатар болон Цагдаагийн ерөнхий газар, Оюуны өмчийн газар, яамд, Тагнууын ерөнхий газар, Хөдөө аж ахуйн их сургууль, хувийн байгууллагууд, Монголын банкны холбоо, Хуульчдын холбооны төлөөллүүд оролцож байна. 

Хэлэлцүүлгийг нээж УИХ-ын гишүүн Н.Учрал "Нийтийн мэдээллийн тухай хуулийн төсөлд иргэд хаанаас ямар мэдээлэл авах талаар тусгайлан тусгаж өгснөөр иргэдийн мэдээлэл авах эрхэд онцгой ач холбогдолтой гэж үзэж байна.

Ингэхдээ хэн нэгэн мэдээлэл өгөхөөс татгалзах, булзааруулах боломжийг нь хааж өгч байгаа юм.

Цахим хувьсгал бол дэлхий нийтэд шинэ зүйл байхаа больсон. Тиймээс бид өөрсдийн гэсэн цахим хөгжлийн эко системийг бий болгох шаардлага үүсэж байна" гэлээ. 

А.Сүх