УИХ-ын гишүүн Н.Учралын санаачлан байгуулсан “Сайн Учрал” сангаас 11 өрхөд гэр бэлэглэлээ.
Тэрбээр энэ үеэр “УИХ-д ажиллана гэдэг төрийн эрх барих дээд байгууллагад хууль санаачлах, хууль батлах үйл ажиллагаанд оролцох ёстой. Гэхдээ өнөөдрийн сонгуулийн тогтолцоо бол тойргоос УИХ-ын гишүүн сонгогддог. Тухайн дүүрэгт иргэд ажиллаж, амьдардаг учраас иргэдийнхээ нийгмийн асуудлыг шийдвэрлэх, улс, нийслэл, дүүргийн төсвөөс гадна өөрийнхөө зүгээс боломж бололцоо байвал иргэддээ туслах шаардлага байна.
Тиймээс парламентад хоёр удаа сонгогдохдоо “Сайн Учрал” сан байгуулсан.
Энэ сангаараа дамжуулж нийгмийн олон асуудлыг шийдвэрлэхээр зорьж ажилладаг. Өнөөдөр 60 дахь гэрээ өгч байна. Өнөөдрийн гэр бэлэглэж буй 11 айлд залуу гэр бүл, өрх толгойлсон айл багтсан. Өнгөрсөн хугацаанд сангаараа дамжуулж амхадууддаа зориулсан олон талт үйл ажиллагаа, мөн хүүхэд залуусаа сургуульд зуучлах, тэтгэлэгт хөтөлбөрт хамруулж ажилласан. Манай сан иргэн бүрийн амьдралд хүрч үйлчлэхээр зорьж ажилладаг. Сонгогчид маань миний ажлыг дэмжиж дахин сонгосон учраас итгэлийг зүтгэлээр хариулж, хариуцлагатай ажиллана” гэлээ.
А.Сүх
