Ерөнхий сайдын хийсэн 200 дахь хоногийн тайлантай холбогдуулан АН-аас мэдээлэл өглөө.

Тэдний зүгээс “Засгийн газрын 200 дахь хоногийн тайланг анхааралтай үзэж сонслоо. Маш олон шинэ коммунист алба байгуулах юм байна. Ийм байдлаар улс орныг аврахгүй. 

Ямар өнцгөөр эдийн засгийг хараад хэт гоёчилсон байдлаар асуудалд хандаад байгааг ойлгохгүй байна. Ерөнхий сайд ямар мэдээлэлтэй байгаа талаар бид уулзаж байж мэднэ.

Ковидгүй зун байгаагүйтэй адил намар, өвөл, хавар гэж байхгүй юм байна. Энэ намраас эхлээд эдийн засгийн хамгийн хүнд цохилт ирэх гэж байна. Машинаар бол шатахуун нь дуусах гэж байна гэсэн үг. Гэтэл Ерөнхий сайд Л.Оюун-Эрдэнэ цаашид ямар арга хэмжээ авах гэж байгаагаа танилцуулаагүй.

Гэхдээ энэ хүнд үеийг нэгдэж давъя. Сөрөг хүчин хамтраач. Бүгдээрээ нэгдмэл байя гэдэг үгийг удаа дараа хэлсэн учраас өнөөдөр Ерөнхий сайдтай уулзах хүсэлтээ илэрхийлж байна” гэлээ.

А.Сүх