Нээлттэй Улаанбаатар хэвлэлийн бага хурал боллоо.

Хотын дарга Д.Сумъяабазар “Улаанбаатарт жилд 80 мянган тээврийн хэрэгсэл шинээр нэмэгдэж байна. Улмаар хотын түгжрэлийг бууруулахад 420 тэрбум төгрөгөөр санхүүгийн дэмжлэг үзүүлэхээр болсон. Эхний ээлжинд их тойргоосоо хэрхэн холдох талаар судалгаа гаргах ёстой.

2019-2020 онд 11.8 их наяд төгрөгийн алдагдал хүлээсэн.

Хэрэв жил бүр автомашины тоо 80 мянгаар нэмэгдээд байвал 24.3 их наяд төгрөгийн алдагдалд хүрэх тооцоо гарсан. Тиймээс Нийслэлийн эрх зүйн байдлын тухай хуулийг баталлаа. Учи нь Улаанбаатар хотод өөрийн гэсэн дүрэм, стандарт байх ёстой.

Бид хотын түгжрэлийг бууруулахад цаашид хиймэл оюун ухааныг ашигладаг болно.

Нийслэлийн замын хөдөлгөөний ачааллыг бууруулахад нэн тэргүүний ач холбогдолтой авто зам, байгууламжийг олон улсад хүлээн зөвшөөрөгдсөн программ хангамжийг ашиглан хэрэгжүүлэх шаардлагатай төсөл, арга хэмжээнүүдийг эрэмбэлж тооцоо гаргаад байна. Энэ хүрээнд Улаанбаатар хотын авто замын сүлжээг хөгжүүлэх мастер төлөвлөгөөгөөр хотод шинээр 1500 орчим км зам барих шаардлагатай байна.

Эхний ээлжинд нэн шаардлагатай 432 км авто зам барина.

Энэ ажлыг ирэх гурван жилийн дотор бүтээн байгуулж чадвал хөдөлгөөний эрчмийн нягтрал 50 хувь, авто замын түгжрэлийг 20 гаруй хувиар буурна" гэлээ.

А.Сүх