Засгийн газрын ээлжит хуралдаанаас гарсан шийдвэрийг танилцуулж байна.

Эрүүл мэндийн сайд С.Энхболд "Нийт хүн амын урьдчилан сэргийлэх ирт илрүүлэг, үзлэг оношилгоог эрчимжүүлэх ажлын талаар хэлэлцсэн. Манай улсад тэргүүлэх өвчлөлийн таван чиглэлд амьсгалын зам, хоол боловсруулах, шээс бэлгийн зам, зүрх судас, гэмтэл зэргийг авч үздэг.

ЭМДС-аас олгодог насны багцыг шинэчлэх, хүн амыг жилд нэг удаа урьдчилан сэргийлэх үзлэгт хамрагддаг байх ажлыг хийх ажлын хэсэг гаргахаар болсон.

Энэ багц шинжилгээ нь 13-45 мянган төгрөгийн хэмжээтэй. Насны багцын нэр төрлийг олшруулж, ирэх жилээс эхлэн хөдөө орон нутгийн дэд бүтэц, тоног төхөөрөмж, ажиллах хүчийг чадавхыг эрчимжүүлж, иргэдийг урьдчилан сэргийлэх, эрт илрүүлэгт хамрагдуулах зорилт тавин ажиллаж байна. 

АстраЗенека вакцины хоёр тунд хамрагдсан хүмүүст нэмэлт гуравдугаар тунг хийж байгаа. Хариу арга хэмжээний багийн 13 мянга гаруй хүн гаруй хүн вакцин хийлгээд байна. Коронавирусний халдварын эсрэг вакцины гурав дахь тунг хийлгээд халдвар тархана гэсэн ойлголт байхгүй.

Харин эсрэгээгээ тодорхой хугацааны дараа эсрэг биеийн титр нэмэгдэж, дархлалын эс нэмэгдэж байгаа гэх судалгааны үр дүнгүүд гарсан.

ДЭМБ гурав дахь тунгийн асуудалд нэлээд нухацтай, хүлээцтэй хандаж байгаад шийдвэр гаргах чигтэй байна. Харин вакцинжуулалт өндөр хувьтай явж байгаа улс орнууд гурав дахь тунг хийгээд эхэлсэн.

Манай улсын хувьд 65-аас дээш насны иргэдэд гурав дахь тунг хийх асуудлыг судалж байна. Тун удахгүй эхлүүлэх төлөвлөлттэй байгаа. 

Вакциныг төлбөртэй хийх эсэх талаар шийдвэр Засгийн газраас хараахан гараагүй.

Гурав дахь тунг Файзер вакцинаар хийхээр төлөвлөж, татан авалт хийж байна. Эхний ээлжид 65-аас дээш насны 450 мянга орчим иргэнд гурав дахь тунг хийхээр төлөвлөж байгаа" гэв. 

Б.Баатар