Монголын адал явдалт, спорт аял­лын холбооноос жил бүр уламж­лал болгон оюутнуудын дунд "Алтан намар" сэдэвт спорт аяллын тэмцээнийг зохион байгуулдаг. Тэмцээнд аль ч их, дээд сургууль, коллежийн оюут­нууд хамраг­дах боломжтой аж. Эл тэмцээнийг Нийслэлийн ард­чилсан нам долоо дахь жил­дээ ивээн тэтгэн явуулж бай­гаа­гаараа бусад аяллын тэмцээнээс онцлог болох гэнэ. Өнөө жилийн тэмцээн энэ сарын 28-30-ны хооронд Гачуур­тад болох юм байна. Нэг баг зургаан гишүүнтэй байх бөгөөд эрэгтэй, эмэгтэй тус бүр гурав гурван тамир­чин байх ёстой гэв. Аяллын үеэр хурд хүч шалгасан до­лоон тэмцээн болох бөгөөд төрөл тус бүрдээ аваргуудаа тод­руулах юм. Маргааш Мон­голын адал явдалт спорт аяллын холбоон дээр техни­кийн зөвлөгөөнөө хий­хээр болсноо мэдэгдлээ.

Дашрамд дуулгахад тус аяллын холбооноос арав­дугаар са­рын нэгэнд тохио­дог ахмадын баярыг угтан  Хүн амын хөгжил, нийгмийн хам­гаал­лын яамны нэрэмжит улсын аварга шалгаруулах тэмцээнийг өнөө жил зо­хион бай­гуулах юм байна. Ахмадын "Алтан намар" явган аяллын тэмцээн ирэх сарын 4-6-ны хоо­ронд болохоор товлогд­жээ.