"XXI зууны Монголын ирээдүй-2100 оюутан" талаар Ерөнхийлөгчийн Тамгын газар, Боловсрол, шинжлэх ухааны яам хамтран мэдээлэл хийлээ.

БШУ-ын сайд Л.Энх-Амгалан “Ерөнхийлөгч хоёр зарлиг гаргалаа. Нэг нь 330 сум, 9 дүүргийн 270 хорооноос энэ жил ЭЕШ-ийн хамгийн өндөр оноо авсан 504 хүүхдийг сонгон шалгаруулж бэлтгэл хөтөлбөрт хамруулах. Улмаар ирэх жил хэлний шалгалтдаа хамгийн өндөр оноо авсан 50 гаруй хүүхдийг дэлхийн шилдэг их, дээд сургуульд суралцах эрх олгох санаачилга гаргаж байна.

Тэтгэлэг Боловсролын зээлийн сангаар хэрэгжинэ.

дэлхийн шилдэг дээд сургуульд өндөр төлбөртэй, зөвхөн Кембриджийн олон улсын сургууль төгссөн хүүхэд босгыг нь давдаг. Тэгвэл жил бүр 504 оюутныг шалгаруулж сургахаар болж байна.

Ингэхдээ Монгол Улсад хэрэгцээт, шаардлагатай мэргэжлээр суралцах хүүхдүүдийг түлхүү дэмжинэ.

хоёрдугаарт, дэлхийн оюуны олимпиадад онцгой амжилт үзүүлсэн сурагчдыг урамшуулах зарлиг гаргалаа. Энэ дагуу олон улсын олимпиадад амжилт гаргасан 17 хүүхэд болон тэднийг сургасан багш нарыг шагнах ёслол ирэх долоо хоногт болно” гэлээ.

А.Сүх