Ардчилсан намаас цаг үеийн асуудлаар мэдээлэл хийлээ. 

АН-ын Хэрэг эрхлэх газрын дарга Б.Ган-Очир "Андлалын хөшөө рүү 200 сая төгрөгөөр эрчим хүч татсан ч нураасан. Соёлын дэд сайд нь хувийн ашиг сонирхолтой компаниараа тендерт орсон. Энэ зургаан төсөл дампуурсан. Дэд бүтэц, засмал замаар холбогдоогүй төслүүд байгаа юм.

Гачуурт-Налайхын зам барихаар 104 тэрбум төгрөг төсөвлөсөн. Замын хагархайтай, орц, гарц, гэрэлтүүлэггүй, тусгаарлах зурвасгүй зам тавьсан.

Мөн усан оргилуур барихаар 3.2 тэрбумыг гаргасан ч зөөврийн устай, инженерийн шийдэлгүй. Богд хан төмөр замд зориулж 1.7 их наяд төгрөг төсөвлөөд байгаа ч хэзээ ашиглалтад орох нь тодорхойгүй, зураг төсөл нь хийгдээгүй.

Эхний ээлжид бид төрийн бодлого буруу яваад байгааг сануулж байна. Тухайн асуудалтай холбоотойгоор УИХ дахь АН-ын бүлгийн гишүүд асуулга тавина. Бүтэлгүй бүтээн байгуулалтын ажлуудыг нэг нэгээр нь шүүгээд АН-ын үндэсний бодлогын зөвлөлийн гишүүдэд өгч, олон нийтэд дахин мэдээлэл хүргэх зэрэг шат дараатай арга хэмжээ авна" гэлээ. 

А.Сүх