Ерөнхийлөгч асан Х.Баттулгыг УИХ-ын нөхөн сонгуульд нэр дэвших тухай албан бус яриа гараад байсан. Тэгвэл түүнийг Ерөнхий сайд Л.Оюун-Эрдэнийн орон тооны бус зөвлөхөөр томилохоор МАН-ын удирдлагын түвшинд хэлэлцэж буй аж.

Үндсэн хуулийн өөрчлөлтөөр Монгол Улсын Ерөнхийлөгчид зургаан жилээр нэг удаа сонгогдон ажиллах эрхтэй бөгөөд өмнөх Ерөнхийлөгчид дахин нэр дэвших эрхгүй заалт орсон.

Уг заалтыг тэрбээр Үндсэн хууль зөрчсөн хэмээн эсэргүүцэж байсан ч сонгууль дөхөхийн өмнө Ерөнхийлөгч У.Хүрэлсүхтэй тохиролцож, намынхаа эсрэг ажилласан хэмээн олны шүүмжлэлд өртөөд байсан юм.

Тэгвэл Ерөнхийлөгч У.Хүрэлсүх өөрийг нь дэмжиж ажилласны "шан" болгож ийн Ерөнхий сайдын орон тооны бус зөвлөхөөр томилуулахаар болжээ.

А.Сүх