Дорнод аймгийн Эрдэнэ сум, Цагаан-Уул, Цагаан-Овоо, Халх гол зэрэг сумын иргэдийн төлөөлөл өнөөдөр УИХ-ын гишүүн Н.Номтойбаярыг авлига өгсөн тухай мэдээллийг сэтгүүлчдэд өгчээ.
    Дорнод аймгийн Эрдэнэ сум, Цагаан-Уул, Цагаан-Овоо, Халх гол зэрэг сумын иргэдийн төлөөлөл өнөөдөр УИХ-ын гишүүн Н.Номтойбаярыг авлига өгсөн тухай мэдээллийг сэтгүүлчдэд өгчээ. Тэд “УИХ-ын гишүүн Н.Номтойбаяр 2012 оны УИХ-ын сонгуулийн долдугаар тойрогт  МАН-аас нэр  дэвшихдээ тойргийнхоо  335 иргэнд хувьцааны төлбөр нэрээр тус бүр нэг сая, нийт 335 сая төгрөгийг өнгөрсөн зургадугаар сарын 25-ны өдөр бэлнээр олгосон. Мөнгийг олгоход НХХ-ийн сайд асан Т.Ганди, Сангийн сайд асан Д.Хаянхярваа болон Дорнод аймгийн Хөдөлмөр, халамжийн үйлчилгээний хэлтсийн дарга Б.Энхболд, зарим сум, багийн нийгмийн ажилтан зэрэг төрийн албан хаагчид, “ХААН” банк , “Хадгаламж” банкны салбарын захирлууд  хамтран оролцсон. Тиймээс холбогдох хууль хяналтын байгууллага, Авлигалтай тэмцэх газар дээрх хүмүүсийг  шалгаж өгнө үү” гэлээ.