Мэргэжлийн хянлатын ерөнхий газар нийслэл хотод үйл ажиллагаа явуулж буй "Биокомбинат" ТӨААТҮГ, "Цагаан залаа Агвет" , "Биоимпекс", "Шинэ Эхлэл ТҮМ", Улсын мал эмнэлэг, ариун цэврийн төв лаборатори, "Эмийн үйлдвэр", "Малчин монгол", Мал эмнэлгийн хүрээлэн зэрэг байгуллагыг шалгасан байна.

Шалгах явцад "Биокомбинат" ТӨААТҮГ, "Цагаан залаа Агвет" , "Биоимпекс", "Шинэ Эхлэл ТҮМ" компани, Мал эмнэлгийн хүрээлэн зэрэг малын эмийн үйлдвэрүүд эм, биобэлдмэлийн найрлагад ордог түүхий  эдүүд  нь  холбогдох  чанарын баталгаажуулалтгүй, улсын эмийн бүртгэлд бүртгэгдээгүй байсан аж.

Мөн "Биокомбинат" ТӨААТҮГ үйлдвэрлэлийн батлагдсан технологийн зааварыг мөрдөөгүй, "Шинэ эхлэл ТҮМ" компани батлагдсан стандартууд нь үйлдвэрлэлийн технологийн заавартай тохирохгүй болон шинжилгээний аргачлалууд нь хуучирсан, шаардлага хангахгүй байсныг тогтоов. Шалгалтаар илэрсэн бас нэг зөрчил бол хугацаа нь дуусан вакцин юм. Мал эмнэлгийн хүрээлэнд үйлдвэрлэж буй хаг унагаах бэлдмэл, үхрийн цусан халдвараас сэргийлэх амьд вакцины Малын эмийн улсын бүртгэлийн хүчинтэй хугацаа 2007 оны нэгдүгээр сарын 30-ны өдөр, 2011 оны нэгдүгээр сарын 11 -ний өдөр дууссан, Неогистол 1. 2 бэлдмэл нь Малын эмийн улсын бүртгэлд бүртгэгдээгүй байжээ. Түүнчлэн "Биокомбинат" ТӨААТҮГ, "Биоимпекс" , "Шинэ Эхлэл ТҮМ" , Мал эмнэлгийн хүрээлэн үйлдвэрлэлийн үйл ажиллагаа, өрөөнүүдийн зохион байгуулалт нь эм зүйн болон эрүүл ахуйн шаардлагыг хангаагүй байсан нь илэрчээ.