Монгол Ардын намын Удирдах зөвлөл нөхөн сонгуульд нэр дэвшигчдийг тодруулж, Бага хурлаар хэлэлцэж байна. Удирдах зөвлөлийн хуралд Сонгинохайрхан дүүрэгт Э.Батшугар, Хэнтий аймагт тус аймгийн Засаг дарга Ц.Идэрбат нарын нэрийг танилцуулж дэмжсэн байна.

Улмаар Бага хуралд дээрх хүмүүсийг оруулж хэлэлцэж байгаа аж. Эх сурвалжийн мэдээлж буйгаар УИХ-ын гишүүн Ц.Сандар-Очир Сонгинохайрхан дүүргийн Засаг дарга асан  Н.Алтаншагайг заалнаас нэр дэвшүүлсэн ч тэрбээр нэрээ татсан байна.  

Дашрамд өгүүлэхэд, өнөөдөр Ардчилсан намын Үндэсний бодлогын хорооны ээлжит бус хурал болж, УИХ-ын сонгуулийн 18, 28 дугаар тойргийн нөхөн сонгуульд нэр дэвшигчээ тодруулсан юм. Тодотговол, УИХ-ын 28 дугаар тойргийн нөхөн сонгуульд Ардчилсан намаас Э.Бат-Үүлийг, УИХ-ын сонгуулийн 18 дугаар тойргийн нөхөн сонгуульд Б.Гарамгайбаатар нарыг тус тус нэр дэвшигчээр батламжилсан байна.

Б.Баатар