Улсын Их Хурлын 18, 28 дугаар тойргийн нөхөн сонгуульд АН-аас нэр дэвшигчдийн талаар мэдээлэл хийлээ.

М.Тулгат “Дарга ангийн ноёрхол, данхайсан том төрийн хэтэрсэн, хариуцлага байхгүй асуудал туйлдаа хүрлээ. Тиймээс залуучууд бид үүний эсрэг тэмцлээ эхлүүлж байна. Үүний нэг хэсэг нь УИХ-ын нөхөн сонгууль. Энд тулалдах хоёр хүн Үндэсний бодлогын хорооноос тодорсон. Э.Бат-Үүл, Б.Гарамгайбаатарыг сонгохдоо олон талаас нь харсан.

УИХ-ын гишүүн болно гэдэн нэг хүнийг дарга болгох гээд байгаа зүйл биш энэ хүмүүсийг ажил хий гэж явуулах гээд байгаа юм. Тэнд үзэл бодлоо хамгаал, дуу хоолой сул байгаа болохоор тэгж байгаа юм.

Тэнд дуугарч байгаа АН-ын дуу хоолой бат, тууштай биш байна.

Сонгинохайрхан дүүрэг хамгийн ядуу, орлого багатай иргэдтэй дүүрэг болчихлоо. Яагаад тус дүүрэгт Э.Бат-Үүл даргыг дэвшүүлсэн юм бэ. Тэр гэр хорооллын дахин төлөвлөлт хийж, тэдний төлөө чиглэсэн бодлого энэ хүний сэтгэл зүрхэнд бий. Нийслэлийн Засаг даргын тамгын газрын байрыг шилжүүлэх санаачилгыг гагаж байсан. Цаад зорилго нь зөвхөн түгжрэл биш Сонгинохайрхан дүүрэгт газрын үнэ цэн, үл хөдлөх хөрөнгө, орлого нэмэгдэнэ. Энэ ажлыг эхлүүлээд явж байтал МАН нийслэлд ялаад Хан-Уул дүүрэг рүү шилжүүлсэн.

Улмаар Яармагт зарим байрны м.кв үнэ 6000 ам.доллар хүрч байна. Улаанбаатар хотын үл хөдлөх хөрөнгийн үнэлгээний зөрүү 10 дахин өндөр, иргэдийн орлого 3 дахин өндөр болсон. Яагаад ийм ялгаатай голын наана, цаана гэдэг шиг болгож байгаа юм. Яагаад бодлого нь жирийн иргэд рүү биш тэдэн рүү байгаа юм. Өнөөдөр дарга анги гэдэг шимэгч арми бий болчихлоо. Үүний эсрэг зоригтой дуугарах баг байгаа юм” гэлээ.

А.Сүх