Өнөөдөр 12 цагаас зууны мэдээ сонины Үндэсний мэдээллийн төвд МАХН-ын дарга, Н.Энхбаярын өмгөөлөгч С.Нарангэрэл хэвлэлийн бага хурал хийлээ. Тэрээр уг хурлаараа энэ сарын 25-нд нийслэлийн шүүхэд болсон давж заалдах шатны шүүх хурлын талаарх мэдээллийг өгсөн юм.

С.Нарангэрэл: Эрүүгийн шүүн таслах ажиллагаа өдрийн цагаар явагдах ёстой. Хуулиндаа ч тэгээд заачихсан. Гэтэл Н.Энхбаяр даргыг шүүх хурал шөнийн цагаар үргэлжилж шөнийн 02 цагт шийдвэрээ гаргасан. Түүнчлэн Монгол Үндсэн хуулийн 14-д иргэн бүр шүүх ажиллагаанд биечлэн оролцох ёстой гэж заасан. Үүнийг нэгдсэн олон улсын гэрээгээр бас баталгаажуулсан бий. Харамсалтай нь нийслэлийн шүүх түүнд энэ эрхийг нь эдлүүлээгүй. Шүүх хуралдааны явцад прокурорууд урьдын адил ялагдсан. Бүр сүүлдээ эрээ цээргүй дайрч довтолгооныг өмгөөлөгч нар руу явуулж эхэлсэн. Бүх баримтуудад няцаалт өгөөд байхад нийслэлийн шүүх анхан шатны шүүхийн шийдвэрийг хэвээр баталсан. Эцэст нь дүгнэж хэлэхэд нийслэлийн Сүхбаатар дүүргийн гурван шүүгч болоод давж заалдах шатны гурван шүүгч нар анхнаас нь хяналт тавьсан прокурор, мөрдөн байцаагч нар урьдчилаад улс төрийн захиалга авсан байна. 2013 оны Ерөнхийлөгчийн сонгуульд Н.Энхбаяр гэдэг Монгол Улсын иргэнийг орцуулахгүй. Тэр сонгууль дуустал энэ хүнийг шоронд нийгмээс тусгаарлаж хорино гэсэн захиалгаа улайран гүйцэлдүүллээ гэв.