УИХ-ын 18 дугаар тойргийн нөхөн сонгуульд бие даан нэр дэвшсэн М.Баасанжаргал буюу Чингис Сонгуулийн ерөнхий хороонд нэр дэвшигчийн материалаа өглөө.

Тэрбээр энэ үеэр “Өмнөх сонгуульд Сүхбаатар дүүргээс бие даан нэр дэвшиж байсан учраас туршлагатай байна. Залуучууддаа хандаж хэлмээр байна. Өнөөдөр улс төр, нийгэм болохгүй байна гэж бухимдаж байхаар өөрсдөө мөрийн хөтөлбөрөө гарган хуулиа санаачлаад бие даан дэвших бүрэн боломжтой. Залуусаа төлөөлж нэр дэвшиж байна.

Хэнтий аймагт бие даан нэр дэвшээд 800 гаруй хүний гарын үсэг цуглуулаад явж байхад миний үеийн залуу харагдахгүй байсан.

Хэнтийчүүд болон монголчууд нам бус, намаас хараат байх ёстой гэдгийг ойлгож байх шиг байна. тиймээс Хэнтийчүүд бие даагчдыг дэмжинэ гэсэн бодолтой байх шиг байна. Би өөрөө гарын үсэг цуглуулаад явах биш залуучууд өөрсдөө ирж зурсан. Өмнөх сонгуульд 671 хүн санал өгсөн. Ганцхан Хэнтийчүүд гэлтгүй улс даяараа намайг дэмжээсэй гэж хүсэж байна” гэлээ.

А.Сүх