"GOOGLE" группийн ерөнхий захирал Eric Schmidt, өөрийн компаний бүтээл болох NEXUS7 таблойд компьютерээ тус улсын зах зээл дээр худалдаалагдах гэж буйтай холбогдуулан өнөөдөр Сөүл хотын “Интерконтенинтал” зочид буудалд болсон нээлтийн үйл ажиллагаанд оролцсон юм. Тэрээр өөрсдийн бүтээлээ тайлбарлаж дууссаныхаа дараа Гүүгэл Кореа компаний байранд ирсэн бөгөөд энэ үедээ дуучин PSY-ийг хүлээн авч уулзсан юм.
Тэрээр “Одууд зөвхөн телевиз болон радиогоор дамжин нэрд гардаг байсан цаг өнгөрч интернэтээр дамжуулагдан дэлхийд танигдах боломжтой болжээ. Үүний хамгийн тод жишээ болж чадсан дуучин PSY-ийг дэлхийд танигдахад манай юүтүб сайт үнэхээр их нөлөөлсөн бөгөөд одоогоор Биллбоард жагсаалтын 2 дугаарт бичигдэж буй хэдий ч ирэх долоо хоног гэхэд нэгдүгээрт бичигдэх нь гарцаагүй. Дуучин PSY шиг олон орны иргэд үзсэн, богино хугацаанд хамгийн олон хүнд хүрсэн видео байгаагүй” гэв.
Дуучин PSY-ийн дуулсан Кангнам Стайл дууг одоогоор юүтүб сайтанд нийтдээ 280 сая удаа үзсэн байна.
