Засгийн газрын хуралдаанаас гарсан шийдвэрийг танилцуулж байна.

Өнөөдрийн хуралдаанаар авто замын хөдөлгөөнийг бууруулах зорилгоор ХААИС-ийн зарим сургуулийг Дархан-Уул аймаг руу, ШУТИС-ийг Өмнөговь руу нүүлгэн шилжүүлэх шийдвэр гаргажээ.

Мөн зарим яам, тамгын газрыг нүүлгэхээр бэлдэж байгаа бөгөөд эхний ээлжинд Улаанбаатар хотын захиргааны байрыг энэ ондоо багтаан Яармаг руу шилжүүлэх үүргийг хотын дарга Д.Сумъяабазарт өгсөн байна.

Улаанбаатар хотын захирагчийн ажлын алба НЗТГ-т өдөрт 1000 гаруй хүн үйлчлүүлдэг байна. Нүүлгэн шилжүүлэлт хийгдвэл энэ хэмжээний хүний хөдөлгөөн багасах аж. Нүүж дууссаны дараа Хангарьд ордныг дуудлага худалдаанд оруулж, НЗДТГ нийслэлийн өмч учраас тухайн байрыг хэрхэх эсэхийг тухайн үед шийдвэрлэнэ гэлээ. 

Ташрамд дурдахад, Хангарьд ордны дуудлага худалдааны анхны үнийг 46 тэрбумаар тогтож байсан. Эцсийн байдлаар удахгүй тодорхой болно.  

А.Сүх