Өвөлжилтийн бэлтгэл хангах чиглэлийн зарим арга хэмжээний талаар ХХААХҮ-ийн сайд З.Мэндсайхан танилцууллаа.

Тэрбээр "Энэ жил 1.3 сая тонн өвс, 1.6 мянган тонн сүрэл, 13 мянган тонн ногоон тэжээл, 95.9 мянтан тонн үйлдвэрлэлийн тэжээл, 98 мянган тонн гар тэжээл, 132 мянган хужир шүү бэлтгэхээр төлөвлөн ажиллаж байна.

Уг ажлын явц 13 хувьтай үргэлжилж байна.

Энэ жил хур бороо ихтэй байгаатай холбогдуулан хадлан бэлдэх хугацаа хойжилж магадгүй байна. Мөн газрын хөрс чийгтэй байгаатай холбоотойгоор өвөлжилт хүндэрч болзошгүйг харуулж байгаа юм. Улмаар цочир хүйтрэхэд чийгтэй хөрс хөлдөж, зудын эрсдэл бий болох нөхцөл ажиглагдаж байна.

Тиймээс малаа эдийн засгийн эргэлтэд оруулж, эрсдэлээс сэргийлэн малын индексжүүлсэн даатгалд хамрагдахыг малчдадаа уриалж байна" гэлээ. 

А.Сүх