Эрүүл мэндийн яамнаас ээлжит мэдээллээ хийлээ.

УОК-ын дэргэдэх эрдэмтдийн зөвлөлийн нарийн бичгийн дарга О.Батбаяр “Улс орон бүр өөрийн нөөц, халдварын нөхцөл байдалд тохирсон эмчилгээ сувилгааг олон улсын болон дотоодын туршлагад үндэслэн дасралтгүй өөрчилж байдаг. Бид энэ оны дөрөвдүгээр сараас вирусний эсрэг эмчилгээг өрх дээр тулгуурлаж эрт эхлүүлсэн. Үүний үр дүнд нас баралт, хүндрэлээс сэргийлж орны тоог 6000-14 мянга, одоогийн байдлаар 20 мянгаар нэмэгдүүлсэн байна.

Манай улс өнгөрсөн тав, зургаадугаар сарын үед Альфагийн давалгааны үед эмнэлгийн тусламж, үйлчилгээг ойртуулахын тулд түргэвчилсэн оношилгоонд суурилж эмчилгээнд оруулах журмыг баталж байсан бол сүүлд Дельта вирусний давалгаагаар хавьтал болон шинж тэмдэг илэрвэл заавал шинжилгээ авахгүйгээр эмнэлзүйн шинж тэмдэгт үндэслэн эмчилгээ хийх чиглэл өгсөн.

Энэ нь халдварын онцлог, вирусний ямар вариант давалгаалж байгаагаар өөрчлөгддөг юм.

Дельта вирусний хувьд амны хаалтгүй хүн халдвартай иргэний хажуугаар зөрөөд өнгөрөхөд л өвчлөх эрсдэлтэй учир шинжилгээг шүтэхээс илүү амны хаалт, халдвар хамгааллын дэглэмээ баримтлах зөвлөмж өгч байгаа. Тиймээс гэрээсээ өөр газар амны хаалтаа авахгүй байхыг анхааруулсаар байгаа" гэлээ. 

А.Сүх