УИХ дахь Монгол-Канадын Парламентын бүлгийн дарга Г.Дамдинням Канад улсад ажлын айлчлал хийж, тус улсын Саскачеван мужийн удирдлагуудтай уулзжээ. Саскачеваны Парламентын гишүүн, Дээд боловсролын сайд Гэн Маковскитой хийсэн уулзалтаар Монголын багш, оюутнуудыг англи хэлний сургалтад хамруулах, Боловсролын салбарт хамтран ажиллах ерөнхий баримт бичиг байгуулж их дээд сургуулиудын хамтын ажиллагааг дэмжих чиглэлээр санал солилцсон байна. Мөн тус мужид суралцах Монгол оюутны тоог нэмэгдүүлэх, оюутан солилцооны хөтөлбөр хэрэгжүүлэх, Орон нутгийн залууст орчин үеийн хөдөө аж ахуй, газар тариалангийн мэргэжил эзэмшүүлэх талаар үр дүнтэй уулзалт болжээ.