“Монголд тахал дэгдээд байна. Тарваган тахал хилд дөхөж ирэв. Буриад, Тува тарваган тахалтай тэмцэхэд бэлэн” гэхчлэн Монголтой хил залгаа Оросын бүс нутгуудын хэвлэлүүд шуугиж байна.

  "Биржевой лидер" сэтгүүл “Хорин нэгдүгээр зуун гарчихаад байхад монголчууд тарваган тахалтай нүүр туллаа. Хоёр долоо хоногийн өмнө 39 настай эрэгтэй анх халдвар авч, одоо өвчлөгсдийн тоо 20 гарчээ. Улс даяар хорио цээрийн дэглэм тогтоож, хүмүүс хот суурин газарт орж гарч чадахгүй болжээ” гэж мэдээлснийг цааш нь олон сайт, сонин, сэтгүүл дамжуулж байна. Монголд дэгдсэн тарваган тахлын тухай хойд хөршийн хэвлэлд сүүлийн 7 хоног эрчимтэй бичиж байгаа юм.

  “Монголд тахал дэгдээд байна. Тарваган тахал хилд дөхөж ирэв. Буриад, Тува тарваган тахалтай тэмцэхэд бэлэн” гэхчлэн Монголтой хил залгаа Оросын бүс нутгуудын хэвлэлүүд шуугиж байна.

  "Биржевой лидер" сэтгүүл “Хорин нэгдүгээр зуун гарчихаад байхад монголчууд тарваган тахалтай нүүр туллаа. Хоёр долоо хоногийн өмнө 39 настай эрэгтэй анх халдвар авч, одоо өвчлөгсдийн тоо 20 гарчээ. Улс даяар хорио цээрийн дэглэм тогтоож, хүмүүс хот суурин газарт орж гарч чадахгүй болжээ” гэж мэдээлснийг цааш нь олон сайт, сонин, сэтгүүл дамжуулж байна. Монголд дэгдсэн тарваган тахлын тухай хойд хөршийн хэвлэлд сүүлийн 7 хоног эрчимтэй бичиж байгаа юм.
“Монголын тал нутагт тарвага гэж нэрлэдэг үслэг амьтдын агнуурын үе ид дундаа явж байна. Анчдын нэг нь агнасан амьтнаасаа тахлын халдвар авчээ. Монголын иргэний хамгаалалтын газрын (Монголд ийм албан байгууллага байхгүй. 24tsag.mn)албан ёсны мэдээгээр уг эрэгтэйтэй харилцаанд орсон найз нөхөд, танил талд нь гинжин хэлхээгээр халдвар таржээ. Одоогийн байдлаар хоёр ч бүс нутагт эрх барих байгууллагууд нь хатуу хөл хорио тогтоогоод байна” гэж Буриадын “Baikal daily” сайт,  “Новая бурятия” сонин, “Ариг ус” телевиз,  Байгалийн чанад мужийн Чита.ру сайт, Якутын “Саха ньюс” сайт зэрэг олон хэвлэл дуу дуугаа аван мэдээлжээ.

  “Одоо тахал Монголын хотуудаар үргэлжлэн тарсаар байгаа тул ОХУ-ын хил залгаа зарим мужуудад халдварлах магадлал өндөр байна. Эхний ээлжинд Монолын тахал Буриад, Алтай, Тува улс, Алтайн болон Байгалийн чанад дахь мужууд руу нэвтэрч магадгүй “гэж хэвлэлүүд анхааруулаад Монгол улсаас бараа бүтээгдхүүн, түүний дотор үслэг эдлэл оруулахыг хориглосон тухай бичсэн байна.
Буриадын Мэргэжлийн хяналтын газар тусгайлан анхааруулга хүртэл гаргаж, Монгол руу явж буй иргэд сэрэмж алдахгүй байж, мал эмнэлгийн бичиггүй үслэг эдлэл худалдан авахгүй байхыг зөвлөжээ.  Харин Дорнод, Хэнтийтэй хил залгаа Читынхан зүгээр сэрэмжлүүлэг гаргаад орхисонгүй. Мэргэжлийн хяналтын газрын хэлтсийн дарга Ирина Дампилова тахал дэгдсэн Монголоос халдвар орж ирсэн ч бэлэн байдал хангагдсан гэж илтгэв. “1971 оноос хойш хүн, амьтны аль нь тарваган тахлаар өвчилсөн тохиолдол гараагүй “ гэж тэр хэлжээ. Мужийн бүхий л эмнэлгийн байгууллагууд тахалтай тэмцэх бэлэн байдалд байгаа ажээ.
Гараагүй тахлын ирээгүй халдвар хойд хөршийг сандралд оруулсны жишээ нь Тувагийн засгийн газраас болзошгүй тахалтай тэмцэх төлөвлөгөө байталсан явдал. Монгол улстай хил залгаа Шар суурь, Хандгайт, Цагаантолгой боомтуудаар нэвтрүүлж буй мал, малын гаралтай түүхий эд, үр тарианд онцгой хяналт тавьж ажиллахыг Тувагийн гаальд үүрэг болгожээ. Түүгээр зогсохгүй эдгээр боомтуудад удахгүй ариутгах зуух ашиглалтад оруулах юм. Монгол улстай хил залгаа бүс нутагт тарваган тахал гарсан тохиолдолд ажиллах бэлтгэл хангаж, хүн амыг дархлаажуулахыг Тувагийн эрүүл мэндийн яаманд мөн даалгасан байна.
24tsag.mn-ий сэтгүүлч Гоц аюултай халдварт өвчнийг эсэргүүцэн судлах газрын олон нийттэй харилцах албанаас оросуудыг сандаргасан “монгол тахлын” талаар тодруулахад:
 
  -Манайд ийм мэдээлэл ирээгүй. Хэрвээ тахал өвчин гарч хүн нас барсан бол манай байгууллага болон Халдварт өвчин судлалын үндэсний төвд хамгийн түрүүнд мэдэгдэх ёстой. Одоогоор манайд ийм мэдээлэл бүртгэгдээгүй байна гэв.
     Мөн ОБЕГ-ын гамшигтай тэмцэх газраас лавлахад “Тахал өвчин гараад хүн нас барсан бол хорио цээрийн дэглэм тогтоох байсан. Бидэнд тахал гарсан болон хүн нас барсан гэсэн мэдээлэл ирээгүй байна. Харин малын боом өвчин зарим аймгуудад гарсан байгаа” гэлээ.

  Оросын хэвлэлүүд ямар зорилгоор ийм худлаа мэдээлэл цацаад байгаа нь Монголын талд ёстой ойлгомжгүй байгаа юм. Оросын тусгай албад, хэвлэл мэдээллийнхний олж мэдчихээд байгаа аймшигт тахлыг Монголын эрх баригчид иргэдээсээ нуугаад байх боломжгүй. Хэвлэл мэдээллийн эрх чөлөө, ардчилал, иргэний хяналтын төвшингөөр хоёр орныг харьцуулбал Монголд илүү нэмэхтэйгээр гарна.
Манай тухай түгшүүртэй мэдээний эхнийх нь энэ биш. Монголын эрх баригчид Сэлэнгэ мөрний усыг говь руу урсган, Байгаль нуурыг ширгээх гэж байгаа тухай мэдээллийн кампани энэ зунжингаа Буриадын хэвлэлийн гол сэдвийн нэг байсан юм.