УИХ-ын нөхөн сонгууль ирэх сард болно. Сонгинохайрхан дүүргийн 28 дугаар тойрогт С.Эрдэнийн гэх Ардчилсан намаас Хотын дарга асан Э.Бат-Үүл нэр дэвшихээр үнэмлэхээ гардан аваад буй. Тэгвэл энэ бүхэнтэй холбоотойгоор О.Цогтгэрэлийн гэх Ардчилсан намын Улс төрийн зөвлөл хуралдаж, 2021 оны УИХ-ын нөхөн сонгуульд оролцох тухай тогтоол гаргажээ. 

Тус тогтоол, "Ардчилсан намын дарга асан С.Эрдэнэ нь 2020 оны УИХ-ын сонгуульд Ардчилсан намыг үнэмлэхүй ялагдуулсан тул Улсын Дээд шүүхэд бүртгэлтэй намын дүрмээр улс төрийн хариуцлага хүлээж, өөрийн биеэр өргөдлөө гаргаж, тамга тэмдэгээ хүлээлгэн өгч, огцорсон болно. Гэвч 2021 оны Ерөнхийлөгчийн сонгуульд МАН-тай үгсэн хувилдаж, Ардчилсан намыг сонгуульд оролцох боломжийг хааж, Монголын ардчилалд хар толбо үлдээсэн. Энэ үйлдлээ дахин давтаж, 2021 оны нөхөн сонгуульд оролцох боломжгүй болгосон С.Эрдэнийг монголын ард түмний сонгох сонгогдох эрхэнд ноцтой халдсан гэж үзсүгэй.

УИХ-ын нөхөн сонгуулийн 28 дугаар тойрогт нэр дэвшихээр бүртгүүлсэн АН-ын гишүүн Э.Бат-Үүл "Намаа аваръя" уриалга гаргаж, Ардчилсан намын ялалтыг МАН-д зардаг жигшүүрт бизнесийг илчилж, журмын нөхдөө намаас хөөхөөр зарласан коммунист, фашист үзлийг буруушааж, эрх баригч МАН-ын захиалгын эсрэг тэмцэхээ уриалж буй АН-ын гишүүн Э.Бат-Үүлийг 2021 оны УИХ-ын нөхөн сонгуульд учир дэмжиж ажиллах нь зүйтэй гэж үзлээ " хэмээжээ. 

Б.Баатар