Сингапурын цагдаагийн албаны албан ёсны веб хуудаснаа хулгай хийсэн гурван монгол залууг баривчилж, шалгаж байгаа тухай нийтлэл мягмар гаригт гарчээ. Тэд энэ мэдээгээ байгууллагынхаа фэйсбүүк хуудаснаа тавьж, нийтлэл дор нь 200-аад хүн хулгайч монголчуудыг хашрааж байгаад талархал илэрхийлж, лайк дарсан байх юм.

Сингапурын цагдаагийн албаны албан ёсны веб хуудаснаа хулгай хийсэн гурван монгол залууг баривчилж, шалгаж байгаа тухай нийтлэл мягмар гаригт гарчээ. Тэд энэ мэдээгээ байгууллагынхаа фэйсбүүк хуудаснаа тавьж, нийтлэл дор нь 200-аад хүн хулгайч монголчуудыг хашрааж байгаад талархал илэрхийлж, лайк дарсан байх юм.

Өнгөрсөн долдугаар сарын 26-30-ны өдрүүдэд Сингапурын Сентоза арлын олон иргэд картаа хулгайд алдсан талаар цагдаад мэдэгдсэн байна. Цагдаагийн байгууллага гомдлын дагуу ажиллаж 24-34 насны гурван монгол залууг хулгай, залилангийн хэргээр өнгөрсөн ням гаригт баривчилжээ. Гурван монгол залууг Сингапураас гарах гэж байхад баривчилсан бөгөөд мөрдлөгийн явцад хулгайлсан зээлийн картуудаар худалдаа хйисэн нь тогтоогдож, тээшнээс нь хулгай, залилангийн мөнгөөр авсан эд зүйлс олдсон байна.

/Тэдний хулгайлсан картны мөнгөөр авсан эд зүйлс/

Тэднийг 26-ны өдөр буюу лхагва гаригт шүүнэ, Эрүүгийн хуулийн 224-р бүлгийн 34, 420-р хэсэгт заасны дагуу  яллана хэмээн сайтад бичжээ. Хэрвээ тэд яллагдвал торгууль төлөх болон дээд тал нь 10 жилийн хорих ял авах аж.

Хэдхэн доллараас болж Сингапурт хулгай хийж Монголчуудын нэр хүндийг унагаж байгаа хэрэг үүгээр ганцадсангүй. Сингапурын казинод дурласан баячууд цугладаг Сентоза арал, энэ арлын “Чанги” онгоцны буудлаас олон ч Монгол залуус хулгайн хэргээр баригдаж шоронд сууж байжээ. Ялангуяа төлбөрийн карт хулгайлах хэргээр. Жишээлбэл,

-2010 оны 2 сарын 21-нд Сентоза арлын “Чанги” онгоцны буудлаас МОНГОЛ тодотголтой хоёр гэмт хэрэгтэн баригдсан. 45 настай эцэг нь 18 настай хүүгээ казинод тоглуулахын тулд хуурамч бичиг баримт үйлдэн зорилгоо биелүүлсэн нь тогтоогдож 1000 долларын торгууль төлжээ.

2010 оны 12 сарын 17-нд Өнөөх л Сентозагийн “Чанги” онгоцны буудалд дөрвөн монгол хулгай хийгээл баригдсан. Торгууль төлж, хоригдож байна.

Монгол улсаас Сингапур улсад суугаа дипломат төлөөлөгчийн газраас хулгайн хэргийн талаар тодруулахаар 65-63480745 дугаарлуу утас цохилоо. Монгол залуус гэмт хэрэгт холбогдсон гэнэ, шүүх хурал нь болсон уу, ял шийтгэл юу болов гэхэд “Манайд одоогоор ийм мэдээлэл ирээгүй байна” гэлээ. Сингапур дахь Монголын ЭСЯ Монголын иргэнийг шоронд орох гэж байхад мэдээлэл ч үгүй байдаг нь харамсалтай санагдлаа.

Зөвхөн хулгай ч биш Сингапураас Хятад руу хууль бусаар тамхи зөөх наймааг ихэвчлэн монголчууд хийдэг, монгол бүсгүйчүүд ч олноороо биеэ үнэлдэг гэх судалгаа бий. Магадгүй Монголыг Сингапурт, дэлхийд таниулах бас нэгэн “брэнд” гэмт хэрэг болох вий. Хэрэг ингэж үргэлжилвэл монголчуудыг Сингапурт 14 хоног визгүй зорчуулах эрх хэвээр байна гэж үү?