Монгол Улсын гавьяат жүжигчин, дуучин С.Жавхлан улс төрөөс зайгаа авч уран бүтээлийн ажилдаа ханцуу шамлан орсон. Сонсогчид нь түүний энэ шийдвэрийг талархан авсан. Энэ зун гэхэд 30 орчим уран бүтээл туурвисан бөгөөд нөхөн сонгуульд өрсөлдөөгүй юм. Хэдхэн хоногийн өмнө Ардчилсан намаас өрх тусгаарласан гавьяат маань 2024 оны УИХ-ын сонгуульд нэр дэвшихээ албан ёсоор хэлж байна. Бие даан өрсөлдөх, аль нэг намаас нэр дэвших нь одоогоор тодорхойгүй бөгөөд энэ хугацаанд тэрээр зүгээр суухгүй аж. Сонгууль эхлэх хүртэл шинэ уран бүтээл туурвиж, “Хамаг монгол”, “Дэлхийн монгол” төслийн ажлаа эрчимтэй явуулах гэнэ.