Эхнэр нөхөр хоёр ярилцаж байна.
Нөхөр: Миний хань төрсөн өдрөөрөө юу авмаар байна?
Эхнэр: За юу ч байсан яах вэ, өөрөө л мэд.
Нөхөр: Үнэхээр юу ч байж болох юм уу?
Эхнэр: Мхммм. Нэг алим ч байсан болноо, бүр тэр алимаа хажуу бөөрнөөс нь хазаад өгсөн ч хамаагүй ээ. Хайр нь ямар юм голох биш. Гэхдээ тэр хажуу бөөрнөөсөө хазуулсан алим нь утасны ард байвал гоё оо.
Энэ бол мэдээж iPhone загварын шинэ утас байлаа. Дэлхийн технологийн бэлэг тэмдэг болж буй iPhone5-ын тухай 24 баримтыг үзнэ үү.

1. Дугаар- iPhone 5 ухаалаг утас нь хэдийгээр 5 гэсэн тодотголтой боловч энэ төрлийн загваруудаас зургаа дахь нь юм.

2. Нимгэн- 7.6 мм зузаантай iPhone 5  нь манай гариг дээрх ухаалаг утаснуудаас хамгийн нимгэн нь юм. Тухайлбал, iPhone4S утаснаас 18 хувь нимгэн юм байна.

3. Хөнгөн- 112 грамм жинтэй. Энэ нь өмнөх загварынхаа жинг 20 хувь багасгасан үзүүлэлт аж.

4. Хурдан- Утасгүй интернэт холбооны вайрлесс төхөөрөмжийг нэг шат ахуилснаар файл татах, илгээх хурдыг 100 Mbps-д хүргэсэн байна. LTE төхөөрөмжтэй iPhone5-ыг хэт хурдан вайрлесстай хэмээн Apple-ийн зохион бүтээгчид онцоллоо. Хэдийгээр HSPA, HSPA+, DC-HSDPA зэрэг бусад вайрлесс төхөөрөмж багтсан ч гэлээ эдгээрийн дээд хурд нь 42 Mbps байдаг аж.

5. Эвтэйхэн- Шинэ загварыг iPhone4S-ээс 9 мм өндөр хийсэн хүний гарын дундаж хэмжээнд тохируулан хийжээ. Тухайлбал, нэг гартаа барьсан ч дэлгэцийн хаана ч эрхий хуруугаараа хүрч ажиллах боломжийг бүрдүүлсэн байна.

6. Ретина дэлгэц- Дөрвөн инч өргөн Ретина дэлгэцийг зохион бүтээгчид нь илүү том биш ч гэлээ зөв загвараа олсон гэж тайлбарлаж байна. Ретина гэж хүний нүдний торлог бүрхэвчийг хэлдэг бөгөөд шинэ дэлгэц нь хүн нүдээрээ харж байгаа мэт цэвэр, тод, тунгалаг харагдуулдаг аж.

7. Цэнэг- Энэ ухаалаг утас энгийн горимд 225 цаг цэнэгээ барьдаг бол тасралтгүй яривал 8 цаг тэснэ. Мөн дуу, хөгжим сонсвол 40 цаг уйдахгүй байж чадах юм. Вайрлесс LTE төхөөрөмж ажиллаж байвал 8 цаг, видео дүрс бичлэг тасралтгүй үзвэл 10 цагийн турш цэнэгээ барина.

8. Бяцхан лавлах- Энэ утасны бас нэгэн гайхалтай тал нь Сири юм. Сири бол хэрэглэгчийн асуултад хариулдаг программ. Тухайлбал, хамгийн ойрхон АТМ хаана байна, Өнөөдөр надад шүхэр хэрэг болох болов уу, Одоо эндээс нь хаана очиж уран зургийн галлерей үзэж болох вэ? зэрэг асуултад Сири хариулж чадна. Гэхдээ iPhone5-ын iOS6 процессортой нэгдсэн Сири илүү олон асуултад хариулж чадахаар болжээ.

9. Санах ой- iPhone5 утас нь өөртөө мемори картны оролтгүй. Гэхдээ нэг гегабайт түргэн санах ойтой, өөртөө 16-64 гегабайт хүртэл удаан санах ойтой юм.

10. Зөвхөн нано СИМ картаар ашиглах боломжтой.

11. 3D камер- Мөн зургийн камер нь яг л хүний нүд мэт /iSight/ ажиллагаатайг мэргэжилтнүүд онцолж байна.

12. Аpple map- Гайхамшиг үүгээр дууссангүй. Apple компани Google Maps-тай салах ёс хийж байгаа бөгөөд шинэ ухаалаг гар утсандаа зориулж Map бүтээжээ. 3D map-ууд дагаад  3D камераа ашиглахад тун таатай.

13. Блок- Мөн хэрэглэгч өөрийн ашиглах эрхээр ямар нэгэн ашиглаж байгаа программанд блок хийх боломжтой болох бөгөөд энэ үед бусад элементүүд нь ашиглах боломжгүй болно.

14. Чихэвч- Утасны чихэвч нь урьд байсан хэлбэрүүдээс өөр. Бидний мэдэх чихэвч нь бөөрөнхий хэсэгтээ чанга яригчтай байсан бол iPhone5-ын чанга яригч чихний хэнгэрэг рүү чиглэсэн буюу хажуудаа байрладаг.

15. iOS6 систем нь Facebook болон Twitter ажиллуулна, мөн хэрэглэгчдэд шуудангийн хаяг тэмдэглэх, тэмдэглэгдсэн хаягуудаас ирсэн захиаг од-оор тэмдэглэгдэн харагдах боломжтой VIP шуудан үйлчилгээтэй аж. Мөн утсан сүлжээгээр FaceTime ашиглах боломжтой бөгөөд найз нөхөдтэйгөө зураг солилцох боломжийг амар бөгөөд хурдан болгосон байна.

16. Дэлгэц- Гайхалтай дэлгэц гэсэн учир нь үндсэн дэлгэцийн дээд доод талд хоёр нэмэлт нарийн дэлгэц байрласан. Ингэснээр та дэлгэц дээрээ гурван өөр аpp зэрэг ажиллуулах боломжтой юм байна.

17. Борлуулалт- Apple компаний хамгийн сүүлд гаргасан ухаалаг гар утас болох iPhone 5 худалдаанд гарсан эхний долоо хоногтоо 5 сая хувь зарагдсан. Энэ нь тус компаний хувьд шинэ рекорд аж.

18. Нэр хүнд- Үүний зэрэгцээ өнгөрсөн долоо хоногт Apple компаний хувьцаа нэг хувиар өссөн. Энэ мэдээж шинэ загварын ухаалаг утасны гавьяа.

19. iPhone 5-ыг өнгөрсөн долоо хоногоос АНУ-аас гадна найман улсад албан ёсоор худалдаалж эхэлсэн. Үүнд, Их Британи, Австрали, Хонгконг, Канад, Франц, Япон, Сингапур, Герман зэрэг улс багтаж байгаа.

20. Хүсэл, хүлээлт- iPhone5-ыг өөрийн болгох гэсэн хүмүүсийн хүсэл маш их байна. Дээрх газруудад шинэ “алим”-тай болох гэсэн хүмүүс 24, 48 цагаар оочирлон зогсож байгаа юм. Худалдаанд гараад 24 цаг болоогүй байхад хоёр сая гаруй хүн урьдчилсан захиалга өгч амжсан гэнэ.

21. Дайн- БНХАУ-д iPhone-ын төлөө 2000 гаруй ажилчид хоорондоо бүх нийтийн зодоон үүсгэж ажил нь хэд хоногоор тасалдахад хүрсэн. 5000 цагдаа ирж байж арай гэж зогсоосон зодооны улмаас 10-40 хүн эмнэлэгт хүргэгдсэн аж.

22. Үнэ- Шинэ ухаалаг гар утас АНУ-д 650 доллараар худалдаалагдаж байна.

23. Монголд- Харин манай Монгол улсад iPhone5 хоёр сая төгрөгийн үнэтэй зарагдаж байна.

24. Монголд- Ухаалаг гар утсанд 4G сүлжээг нэвтрүүлсэн нь хамгийн том давуу тал хэдий ч манай оронд 4G сүлжээ нэвтрээгүй тул зөвхөн 3G 2G технологиуд дээр ажиллах аж.