УИХ-ын гишүүн С.Ганбаатар болон бусад бие даагч гишүүд өнөөдөр, маргааш хоёр өдөр Дорнод аймагт ажиллахаар болжээ. Тэд Дорнодын Мэнэнгийн талыг там болгосон гэх “Петрочайна Дачин Тамсаг” ХХК-ийг тойрсон асуудалд гол анхаарлаа хандуулан ажиллах аж.

  УИХ-ын гишүүн С.Ганбаатар  парламентад сонгогдсноос хойш зургаа дахь удаагаа Дархан-Уул аймагт томилолтоор  ажиллажээ. Тэрээр Хөдөлмөр нийгмийн зөвшөлцлийн 2012-2014 оны Аймгийн гурван талт хэлэлцээрийн бэлтгэл ажилтай танилцаж энэ долоо хоногтоо эцэслэн үзэглэхээр Аймгийн засаг даргын тамгын газар, Үйлдвэрчний элвэлийн холбоо, Ажил олгогч эздийн холбоо болон холбогдох газрын  дарга нартай уулзсан байна.
  Мөн аймгийн засаг дарга болон хэлтэс, агентлагийн дарга нартай  уулзаж ирэх оны Дархан-Уул аймгийн төсвийн талаар ярилцаж байгаа аж. Энэ жил Монгол улсын төсөв их танагдаж байгаа учраас Дархан-Уул аймгийнхаа үндсэн гол хэрэгтэй, шаардлагатай  эмнэлэг, сургууль цэцэрлэгийн төнөг төхөөрөмж авах,  шинээр баригдах цэцэрлэг сургууль, тог цахилгаангүй газрыг тог цахилгаантай болгох гэх мэт асуудлуудыг төсөвт суулгахаар ажиллахаа хэллээ. Түүнчлэн Дархан-Уул аймгийн ЕБ “Од” цогцолбор сургуулиар орж багш сурагчидтай уулзаж ажил байдалтай нь танилцан тулгамдаж байгаа олон асуудалын  талаар уулзаж ярилцлаа. Мөн тус сургуулийн 11-р ангийн сурагчид болон Дархан хот дахь ШУТИС-ийн ДаТС-ийн оюутан залуучуудад чөлөөт ярилцлага, лекц уншсан юм. Энэ мэтчилэн Дархан-Уул аймгийнхаа нийт ЕБС болон Их дээд сургуулиудаар явж цуврал лекц хийх юм байна.