Засгийн газрын хуралдаанаас гарсан шийдвэрүүдийг танилцуулсан.

Энэ үеэр Сангийн сайд Б.Жавхлан хүүхдийн мөнгийг цаашид хэрхэн, яаж үргэлжлэх талаар мэдээлэл өглөө. Тэрбээр "Хүүхдийн мөнгийг халамжаас хуримтлал руу үе шаттайгаар шилжүүлэх бодлогыг эхлүүлнэ. Энэ хүрээнд ирэх оны нэгдүгээр сарын 1-нээс долоодугаар сарын нэгэн хүртэл сонголттойгоор өгнө. 100 мянган төгрөг хүртэл авч хэрэглэж болно эсвэл хувааж хуримтлуулж болно. Хурмитлал нь хадгаламжийн даатгалын корпорацад бүрэн даатгагдаж хамгаалагдсан байх болно.

2021 оны долоодугаар сарын нэгнээс хойш 50 хувь нь хадгаламж руу шууд шилжиж үлдсэн хувийг сонголттой олгоно. Хүүхдийн мөнгө түүхэн үүргээ гүйцэтгэж байгаа. Коронавирусний үеийн эдийн засгийн уналтыг тогтворжуулахад чухал үүрэг гүйцэтгэсэн. Харин цаашид үүнийг оновчтой бүтэц рүү оруулах хэрэгтэй байгаа юм. Халамжийн хэт хавтгайруулах нь эдийн засагт сөрөг талтай тул ийм өөрчлөлтийг шат дараатай хийж эхэлж байна. 

Ирэх онд тэтгэвэр тэтгэмж нэмэхгүй. Төсвийн хувьд хязгаарлагдмал он жил байх болно. Халамжийн төрөл зүйл, дахвцлыг багасгана. Эрүүл мэнд, боловсролын салбарын гүйцэтгэлд суурилсан санхүүжилт буюу цалингаа нэмж авах, урамшуулалаа нэмэх боломж нээгдэж буй.

Эмнэлгүүдэд очдог урсгал зардал хөрөнгө оруулалтууд ирэх жил нэмэгдэнэ. Засгийн газрын нөөц санг мөн энэ жилийнхээс бууруулахгүй" гэлээ.