Ардчилсан намаас маргааш буюу аравдугаар сарын нэгний өдөр "Одоо боллоо" жагсаалыг Төв талбай дээр зохион байгуулна гэдгээ мэдэгдээд буй. Үүнтэй холбоотойгоор Ардчилсан нам мэдээлэл хийлээ. 

УИХ-ын гишүүн Б.Пүрэвдорж "Аравдугаар сарын нэгний өдөр болох жагсаалд ард иргэд, бизнзс эрхлэгчид, жижиг дунд бизнесийнхэн, үйлчилгээний салбарынхан ирж дуу хоолойгоо хүргээрэй гэж урьж байна. Бид бүхэн жагсаалд ирсэн иргэдийн үзэл бодлыг чөлөөтэй, тайван замаар зохион байгуулах боломжоор хангаж ажиллана. Жагсаалыг үймүүлэх, эмх замбараагүй байдал үүсгэх яриа сонсогдож байна. Ийм зүйлийг цагдаагийн байгууллагаас зохицуулж ажиллана гэж итгэж байна" гэв. 

Тэгвэл дээрх жагсаалыг цагдаагийн байгууллага зөвшөөрөхгүй гэдгээ мэдэгдэв. Энэ талаар "Ардчилсан намаас Сүхбаатар дүүргийн ЗДТГ-т хүргүүлсэн, харин жагсаал цуглаан зохион байгуулахгүй байх шийдвэр гарсан. Сүхбаатар дүүргийн цагдаагийн байгууллагаас жагсаал зохион байгуулахгүй байх шаардлагыг Ардчилсан намд хүргүүлж байна. Монгол Улсын иргэн үзэл бодлоо илэрхийлэх эрхтэй ч жагсаал цуглаан зохион байгуулахыг хуулиар зохицуулдаг. Жагсаал цуглаанаас гарсан аливаа эрсдэлийг жагсаал цуглаан зохион байгуулагч байгууллага хариуцлага хүлээнэ хэмээн цагдаагийн байгууллагаас анхааруулаад, шаардлагыг УИХ-ын гишүүн Б.Пүрэвдоржид гардууллаа.

Энэ үеэр Ардчилсан намын дарга М.Тулгат "Коронавирусний цар тахлын үед олон мянган бизнес эрхлэгчид ажилгүй, орлогогүй боллоо. Ард түмний амьдрал хүнд байхад Засгийн газар нэн чухал асуудлаа шийдэхгүй байна. Бидний тавьсан шаардлагыг биелүүлээгүй учир маргааш "Одоо боллоо" жагсаалыг зохион байгуулна" гэв. 

Б.Баатар