Хөдөлмөр, нийгмийн хамгааллын сайд А.Ариунзаяа өнөөдөр “Токио-2020” зуны паралимпын наадамд амжилттай оролцоод ирсэн баг тамирчдаа хүлээн авч салбарын цол тэмдэг, бусад зүйлээр шагнаж урамшууллаа. Энэ үеэр сайд А.Ариунзаяа тамирчдад баяр хүргэж, цаашдаа улам их амжилт гарган хүүхэд залуусын итгэл зоригийг хурцалж, урам өгч, дараа дараагийн тэмцээн уралдаанд илүү олуулаа оролцохыг ерөөв. Мөн салбарын яамны зүгээс дэмжиж ажиллах болно гэдгээ илэрхийллээ. Паралимпын наадмаас гавьяат тамирчин Э.Содномпилжээ Монголын багийн цор ганц медаль болох алтан медалийг хүртсэн билээ.