УИХ-ын нэгдсэн чуулганаар Хөрөнгө оруулалтын тухай хуульд өөрчлөлт оруулах тухай хуулийн төслийг хэлэлцэх эсэхийг хэлэлцэж байна. Энэ үеэр гишүүд хуулийн төсөл боловсруулагчдаас асуулт асуусныг тоймлон хүргэе.

Т.Доржханд: Бид 10 жилийн хугацаанд 10 тэрбум ам.долларын эдийн засагт гацчихаад байна. Одоо яаж эдийн засгаа тэлэх вэ гэж яриад байгаа. Гуравхан арга бий. Нэгдүгээрт, экспортоо нэмэгдүүлэх, хоёрт, гадаадын зээл тусламжийг авах, гурав, гадаадаын хөрөнгө оруулалтыг татах. Үүгээр доллар орж ирнэ. Төв банк үүгээр мөнгөний нийлүүлэлтийн нөгөө талд хийнэ. Ингэж байж эдийн засаг тэлнэ.

Доллар орж ирэхгүй, нөөц дээр байгаа эх үүсвэр ширгээд буцалчихсан тохиолдолд хэдийгээр зах зээлд мөнгө нийлүүлсэн ч үнийн өсөлт үүснэ.

Экспортыг хэрхэн нэмэх вэ. Далайд гарц байхгүй. Хоёр хөрш, ганц худалдан авагчтай. Тэр нь хориг тавьчихаар нүүрсээ ч гаргаж чадахгүй байна. Гаднын зээл тусламжийг авъя гэхэд тусламж авдаг улс байхаа больчихсон. Одоо ганцхан зээл л авна. Зээл авъя гэхээр өрийн хязгаар нь тулчихсан.

Одоо байгаа ганц арга нь хөрөнгө оруулагчийг татах. Өөр ямар ч арга байхгүй.

Гадаадын хөрөнгө оруулалтыг авахын давуу тал нь зээл биш учраас өр үүсэхгүй. Хөрөнгө оруулагч эрсдэлээ үүрнэ. Тиймээс өнөөдрийн хувьд хөрөнгө оруулалтыг дэмжихээс өөр арга байхгүй.

Хоёрдугаарт, эдийн засаг бэхжиж байж улсын оршин тогтох, тусгаар байдал оршино. Өнөөдөр бие биелээ хөрөнгө оруулж, худалдаа наймаа хийсний үр дүнд Хятад улсын эдийн засаг 400 мянган хүн амын эдийн засагтай ижил хэмжээнд байсан нь өнөөдөр дэлхийн хоёр дахь эдийн засаг болсон. БНСУ аравдугаарт орж байна. Энэ нь хөрөнгө оруулалт татсаных. Түүнээс биш юун цагаач, виз гаргах. Ийм хачин асуудлаа боль. Ийм асуудлыг хаалттай чуулганаар ярина гэвэл бүтэхгүй.

Юун хөгжих вэ. 50 мянга, 100 мянган ам.долларын босгын асуудлыг оруулж ирэх нь ямар ач холбогдолтой вэ.

Х.Ганхуяг: Т.Доржханд гишүүний саналыг дэмжиж байна. Босгыг яагад 50 мянган ам.доллар болгосон бэ гэвэл гол нь мессеж өгөх ззорилготой байсан юм. УИХ гадаадын хөрөнгө оруулагчдын татахын тулд босгоо бууруулж байна гэдэг мессеж өгөх зорилготой. Хэрэв бизнестэй холбоотой асуудал гэвэл 100 мянган ам.доллар, 200 мянган ам.доллаар ч болгож болно. Тэгэхгүй бол одоогийн байгаа хууль тогтоомж хүндрүүлээд байна.

А.Сүх