Монгол Улсын Ерөнхийлөгч У.Хүрэлсүхийн санаачилсан “Тэрбум мод” үндэсний хөдөлгөөнд АН нэгджээ. Тодруулбал, АН-аас Ерөнхийлөгчийн уриалгыг дэмжиж байгаагаа илэрхийлэн мод тарьж буй зураг цахим сүлжээгээр цацагдаад байна. Мөн үүнээс гадна эх орноо ойжуулах хүсэлтэй иргэн, ААН, байгууллагууд дэмжин ажиллахаа илэрхийлсээр байна.
Монгол Улсын нийт газар нутгийн 76.9 хувь нь буюу 120 сая га талбай цөлжилтөд өртөж, газрын доройтолд оржээ.
Тиймээс дээрх хөдөлгөөн нь ирээдүйдээ үлдээх бидний чухал хөрөнгө оруулалт гэдгийг мэргэжилтнүүд онцолж буй юм.
Ташрамд, “Тэрбум мод” үндэсний хөдөлгөөнд “Эрдэнэт үйлдвэр” төрийн өмчит үйлдвэрийн газар нэгдэж ирэх 10 жилд 100 сая, “Эрдэнэс Тавантолгой” хувьцаат компани тонн нүүрс тутамд нэг буюу 2030 он хүртэл 176 сая мод тарьж, ургуулахаар болсон юм.
Б.Лхам
