УИХ-ын чуулганы баасан гарагийн чуулганы нэгдсэн хуралдаан эхэллээ. Хуралдааны эхэнд Нүүрс тээвэрлэлтийн салбарт Засгийн газраас авч хэрэгжүүлж буй арга хэмжээний талаар сонсож байна.

Н.Наранбаатар: Ирэх жил 36.7 сая тонн нүүрс экспортолно гэж төлөвлөсөн. Энэ нь түүхэнд байгаагүй өндөр тоо. Өгөөдрийн байдлаар Өмнөговийн хоёр боомт нийлээд 8.2 сая тонн экспортолсон байна. Уг нь нүүрс тээврийн 90 гаруй хуийг Өмнөговийн хоёр боомт гаргана шүү дээ. Гэтэл өнөөдрийн байгаа царай энэ л байна.

Өмнөговийг Засгийн газар ногоон бүс болгоно гээд зарласан. Энд бүх л байгууллага оролцох ёстой.

Тиймээс асуулгын хариунд зөвхөн ЗТХЯ ирээд сууж байгаа нь хангалтгүй санагдаж байна. Боомт зохион байгуулалтын хувьд эзэнгүй, тал тал тийшээ харсан, баахан босоо удирдлагатай. Засгийн газрын бүрэн эрхт төлөөлөгч гэж томилсон хүн нь ажил хийж байгаа юм уу. Боомт дээр байгаа ПСР шинжилгээ, тээвэрлэлт, зохион байгуулалт зэрэг бүх зүйл зохион байгуулалтгүй.

Дээр нь хийгдэх ёстой ажлууд нь бүгд зогсонги байдалтай байна.

Үүнээс гадна нүүрс тээврийн С зөвшөөрлийг уул уурхайн компаниудад эртхэн өгчих хэрэгтэй. Төр зөвшөөрөл өгөхөөрөө хээл хахууль, авлига яригдаад байх юм. Хүрээний бузрыг яривал гэдэг шиг Гашуунсухайтын бузрыг яривал далай цаашаа юм боллоо. Замбараагүй асуудал яригдаж байна.

Чингэлэг тээврийн терминал гээд улсын өч төчнөөн хөрөнгө оруулалтаар хийчихээд хэзээ ажиллуулах юм.

Л.Халтар: Боомтыг нэгдсэн удирдлагаар хангахын тулд боомтын захиргааг шинээр байгуулсан. Гашуунсухайт дээр боомтын захиргааны дэд дарга ажилласан. Дараа нь манай яамнаас боомтын захирагчтай 21 хоног хамтарч ажиллаад ирлээ.

Чингэлэг тээврийн терминалын хувьд тун зүйтэй юм болсон. Технологийн хувь Гадаад харилцааны яамнаас гэрээ хэлэлцээр хийж байгаа. Ойрын үед эерэг үр дүн гарах байх гэсэн хүлээлттэй байна.

Б.Лхам