Сонгуулийн ерөнхий хорооноос Улсын Их Хурлын 18, 28 дугаар тойргийн нөхөн сонгуулийн санал хураалтын ирцийг танилцууллаа.

16:00 цагийн байдлаар УИХ-ын 18 дугаар тойрог буюу Хэнтий аймагт нэрсийн жагсаалтад бүртгэгдсэн сонгогчдын 20.8 хувь нь буюу 10641 иргэн саналаа өгөөд байна.

Харин УИХ-ын 18 дугаар тойрог буюу Сонгинохайрхан дүүрэгт сонгогчдын нэрсийн жагсаалтад бүртгэгдсэн иргэдээс 26508 нь буюу 23.2 хувь нь сонгуулийн санал хураалтад оролцоод байна.

Энэ удаагийн нөхөн сонгуулиар сонгогчдын сонгох эрхийг эдлүүлэхийн тулд УИХ-аас 2.2 тэрбум төгрөгийн зардал баталж өгсөн бөгөөд аймаг, нийслэл, сум дүүрэг, хэсгийн 148 сонгуулийн хороодод төрийн 2,500 орчим албан хаагч иргэдийн саналыг өгүүлэхээр ажиллаж байна. Тиймээс иргэд, сонгогчид 22:00 цагаас өмнө саналаа өгөхийг Сонгуулийн ерөнхий хорооноос уриаллаа. 

Хэрэв санал хураалт 50 хувьд хүрэхгүй бол нэмэлт санал хураалт явуулах юм.