Хэнтий аймгийн УИХ-ын нөхөн сонгуулийн ирц 37.04 хувь, Сонгинохайрхан дүүрэгт 39.61 хувьтайгаар санал хураалт дууссан.
Нөхөн сонгуулийн 148 хэсгийн хорооноос 17 хэсгийн хорооны сонгогчдын ирц 50 хувьдаа хүрсэн байна. Хэнтий аймагт 16 хэсэг, Сонгинохайрхан дүүрэгт нэг хэсгийн хорооны ирц 50 хувьдаа хүрсэн талаар бид өмнө нь мэдээлсэн билээ. Тэгвэл дараах хэсгийн хороодод ирц хүрсэн байна.
Тодотговол, Сонгуулийн тойрогт хамаарах сонгогчдын нэрийн жагсаалтад бичигдсэн нийт сонгогчдын 50 буюу түүнээс дээш хувь нь санал хураалтад оролцсон нийт 17 хэсэг байгаагаас Улсын Их Хурлын 18 дугаар тойргийн 16 хэсгийн хороо /Хэнтий аймгийн Баянмөнх 18-30, 18-29, Хэрлэн-18-10, Жаргалтхаан 18-62, 18-65, 18-61, 18-63, 18-64 Баян-Овоо 18-33, 18-31, Цэнхэрмандал 18-82, Баян-Адарга 18-24, Баян-Овоо 18-32, 18-34, Дэлгэрхаан 18-58, 18-57/, 28 дугаар тойргийн нэг хэсгийн хороо /Сонгинохайрхан дүүргийн 11 дүгээр хороо буюу 28-36 хэсэг/ байна.
Улсын Их Хурлын сонгуулийн 18, 28 дугаар тойрогт 2021 оны 10 дугаар сарын 10-ны өдөр явагдсан нөхөн сонгуульд сонгогчдын нэрийн жагсаалтад бичигдсэн нийт сонгогчдын 50 буюу түүнээс дээш хувь нь санал хураалтад оролцоогүй тул Монгол Улсын Их Хурлын сонгуулийн тухай хуулийн 78 дугаар зүйлд заасны дагуу нэмэлт санал хураалт дахин явуулах эсэх асуудлыг маргааш Сонгуулийн ерөнхий хорооны хуралдаанаар шийдвэрлэх юм.
Б.Баатар
