Монгол Улсын 2022 оны нэгдсэн төсвийг удахгүй УИХ-ын чуулганаар хэлэлцэнэ. Ирэх оны төсвийн төсөлд тусгагдсанаар хүүхдийн 100 мянган төгрөгийг үргэлжлүүлж олгоно. Ингэхдээ 2022 оны долоодугаар сарын 1-нээс эхлэн хуримтлалын хэлбэрт шилжүүлэх бөгөөд эцэг эх, асран хамгаалагчийн хүсэлтээр 50 хувийг олгож болохоор зохицуулалт хийснээ Сангийн сайд онцолж байсан юм.

Манай улсад хүүхдийн мөнгө авдаг нийт 1.2 сая гаруй мянган хүүхэд байдаг. Тэдэнд сар бүр 100 мянган төгрөг олгоно гэж тооцвол жилд 1.4 их наяд төгрөг зарцуулах юм.

Түүнчлэн ирэх жилийн төсөвт иргэнээ дагасан санжхүүжилтийн шинэчлэл хийсэн. Үүнд,

-Байгууллагын төсвийг “Зардал бүрээр нь хянаж” биш нийт дүнгээр нь санхүүжүүлэх,

-Байгууллагыг биш харин иргэнээ дагасан санхүүжилт,

-Үйлчилгээг бодитой, иж бүрэн, хувийн хэвшлийн сонирхлыг татахуйц- өрсөлдөөн бий болохуйц тарифаар тооцох,

-МСҮТ-д суралцагчдад олгох тэтгэлгийг сар бүр биш төгсөхөд нь нэг удаа бөөнд нь олгодог болно,

-Байгууллагын төсвийг илүү үр ашигтай зарцуулахад чиглэсэн менежмент хийх боломж- Бүтцийн өөрчлөлт хийх, үйлчилгээг өөрчлөх, орон тоогоо өөрөө тогтоох,

-Зөв менежмент, чанартай үйлчилгээний үр дүнд төсөв нэмэгдсэнээр ажилтнуудын цалин хөлс, нийгмийн баталгааг одоо байгаа түвшнээс эрс сайжруулах боломж хэмээн тусгажээ.

А.Сүх