УИХ-ын 18, 28 дугаар сонгуулийн тойрогт өчигдөр нөхөн сонгууль явагдсан ч ирц хүрээгүйтэй холбоотойгоор нэмэлт санал хураалтыг ирэх ням гарагт явуулахаар тогтлоо. Үүнтэй холбоотой асуудлаар ХҮН-аас мэдээлэл хийлээ.

Мэдээллийн эхэнд тус намын дарга, УИХ-ын гишүүн Т.Доржханд “Нөхөн сонгуулийн үр дүнд нийтээрээ харамсаж байна. Нийт иргэдийн 40 хүрэхгүй хуь нь санала өгсөн байна. Сонгуулийн ирц хүрээгүй учраас нэмэлт санал хураалт явуулах нөхцөл байдал үүсээд байна.

Бодит байдлаа дүгнэе. Ийм байдлаар цааш явбал Монголд ардчилсан сонгууль устаж, ардчилал нуран унах ийм цаг үед амьдарч байна.

Энэ бол эрх баригчид, мөн улс төрийн намуудад өгч байгаа маш том сануулга гэж хүлээн авч байна.

Бодит байдал ийм байна. Өчигдрийн сонгуулийн үр дүнг үндэслээд монголын ардчиллыг хамгаалахын тулд дараах арга хэмжээг яаралтай авахыг эрх барьж байгаа нам болон улс төрийн бүх хүчнүүдэд уриалж байна.

Тодруулбал, сонгуулийн холимог системийг яаралтай Үндсэн хуульд тусгаж нийт мандатын дорж хаяж 50 хувьтай тэнцүүлсэн тогтолцоогоор явуулах хэрэгтэй. Хоёрт, намын хатуу гишүүнчлэлийг зогсоож, намуудыг ижил гараанаас үйл ажиллагаагаа эхлэх боломжийг олгоё” гэлээ.

Б.Лхам