УИХ-ын ирэх пүрэв гарагийн чуулганы нэгдсэн хуралдаанаар 2022 оны улсын нэгдсэн төсвийг хэлэлцэнэ. Тодруулбал, МАН-ын бүлгийн зүгээс ирэх оны төсвийг хуулийн хугацаанд нь батлахаар ажиллаж буй бөгөөд Төсвийн байнгын хорооны дарга Ч.Хүрэлбаатараар ахлуулсан ажлын хэсэг гаргаж төсөв дээр ажиллуулж байгаа талаар мэдээллийг өчигдөр өгсөн юм. Засгийн газраас өргөн барьсан төсвийн төсөлд хөрөнгө оруулалтыг эрэмбэлсэн, эдийн засгийн суурийг тэлэх чиглэлийн хөрөнгө оруулалт тусгагдсан гэж эдийн засагч нар үзэж буй.

Тэгвэл ирэх онд төсвийн хөрөнгө оруулалтаар нийт 1334 төсөл хэрэгжүүлэхээр тусгажээ. Тухайлбал, аймгуудын шинэ суурьшлын бүсэд баригдах орон сууцны хорооллын шугам сүлжээ, дэд бүтэц төсөлд 10 тэрбум төгрөг,

-Сумын хөгжил, инженерийн дэд бүтцийн хангамж төсөл- 45.9 тэрбум,

-“Залуус-1” орон сууцны хороолол төслийн гадна инженерийн шугам  сүлжээ төсөл- 29.9 тэрбум,

-Сум, суурин газрын цахилгаан хангамж, шугам сүлжээ, дэд бүтэц төсөл 12 тэрбум,

-27 авто зам тавихад 196.7 тэрбум,

-30 сургууль барихад 48.4 тэрбум,

-50 цэцэрлэгт 51.3 тэрбум,

-28 эмнэлгийн үйл ажиллагааг сайжруулахад 41.7 тэрбум төгрөг,

-Найрамдал-2 зусланг барихад 30 тэрбум,

-Эх нялхсын өргөтгөлд 37.3 тэрбум,

-Улсын хоёрдугаар төрөх эмнэлгийн шинэчлэлд 18 тэрбум төгрөг мөн Богд Хааны ордон музей, Чойжин ламын сүм музей, Улсын Драмын эрдмийн театрын сэргээн засварлалт, Улсын Дуурь бүжийн сэргээн засварлана гэж тусгажээ.

А.Сүх