УИХ дахь Хууль зүйн байнгын хорооны хуралдаанаар УИХ-ын гишүүн Б.Энхбаяр нарын өргөн мэдүүлсэн Эрүүгийн хэрэг хянан шийдвэрлэх тухай хуульд нэмэлт, өөрчлөлт оруулах тухай хуулийн төслийг хэлэлцлээ.

Энэ үеэр УИХ-ын гишүүн Н.Алтанхуяг “Зарчмын хуьд хуулийн төслийг дэмжиж байна. Хэргийг дав заалдах болон хяналтын шатанд буцаах хэрэггүй. Харин анхан шатны шүүхээс буцаадаг байх ёстой гэж үзэж байна. Таны хэлж байгаатай санал нэг байгаа. Гэхдээ бид процессын хууль руу орж байна.

Прокурор, мөрдөгч дээр том мафи байгаа.

Хэргийг наад талд нь завхруулдаг. Хавтаст хэрэгт авагдаагүй, авдаггүй зүйл зөндөө байдаг. Би бодит амьдралыг хэлж байна. Ийм зүйл наад шатанд нь бий. Би прокурорт итгэхгүй байгаа. Учир нь босоо удирдлагатай. Прокурорын толгой дээр очсон нөхөр сайн хүн байвал гайгүй болно, хулгайч байвал энэ улсыг самарч байна. Зарим нь хилс хэргээр ял үүрээд гарчихсан шүү дээ. Би энэ талаар зөндөө жишээ мэднэ. Гүйцэтгэх ажиллагааны журмаар гэдгийг болиулмаар байна.

Шүүхээ шударга болгоё.

Үр хүүхдээ зөв нийгэмд амьдруулъя гэдэг талаар манай байнгын хорооны гишүүд санал санаачилга гаргаад явж байгааг хоёр гаргаа өргөөд дэмжиж байна” гэлээ.

Б.Лхам