ШИНЭ намаас УИХ-ын нөхөн сонгуулийн талаар мэдээлэл өглөө.

Тэдний зүгээс “Энэ удаагийн нөхөн сонгууль ирц хүрсэнгүй, хүчинтөгөлдөр сонгууль боллоо гэж иргэд дүн тавьсан. Хуйвалдаан, шантааж, наймаа тохироогоор нэр дэвшсэн эрх баригчдын нэр дэвшигчдэд иргэд дүн тавилаа.

Төрийн аппаратууд сүүлийн нэг сар зөвхөн Э.Батшугарыг ялуулахын төлөө ажиллалаа.  

Сонгуулийн хугацаанд мөнгө тарааж иргэдийн саналыг худалдаж авах гэсэн үйлдэл эрээ цэрээ алдсан. Сонгинохайрхан дүүргийн цагдаагийн хэлтэс дээр Сонгуулийн тухай хуулийг маш ноцтой зөрчсөн 200 гаруй үйлдлийг газар дээр нь илрүүлсэн боловч төрийн цагдаа дүр эсгэсэн байдлаар сонгуулийг дуусгаж, эрх баригч намд үйлчиллээ гэж үзэж байна.

ШИНЭ нам төрийн аппарат, төсвийн мөнгө, хар хайрцагны эсрэг өрсөлдөж ялагдлаа.

Иргэд хоногийн хоол, бэлэн мөнгө, халамж, гурил будаа, хүнсний талон, сайжруулсан түлшний хөнгөлөлтөөс хасагдах хэсгийн хорооны ахлагчийн дарамт, ядуугийнхаа зовлонд ялагдлаа. ШИНЭ нам энэ удаагийн сонгуульд зөвхөн бодлого, мөрийн хөтөлбөр, тогтолцооны шинэчлэлийг ярьж өрсөлдсөн. Иргэдээ ядуу байлгах нь эрх баригч намд ашигтай гэдэг нь дахин нотлогдлоо. Иргэдээ өмч, хөрөнгөтэй болгох ямар ч бодолгүй байна” гэлээ.

Б.Лхам