НӨАТ-ын буцаан олголтыг зогсооно гэх мэдээлэл цахим сүлжээнд гараад буй. Тэгвэл энэ талаар Сангийн сайд Б.Жавхлан тайлбар өглөө.

Тэрбээр "НӨАТ нь татварын сонгодог тогтолцоо. НӨАТ нь төсвийн хамгийн тогтвортой бүрдүүлдэг орлого. Манай орны хувьд НӨАТ 10 хувь байна гэдэг нь багадаа ордог. Хоёр хөрш орны татвар 16, 20 хувь байна. Европын оронд бол дунджаар 18 хувьтай байгаа. Бид НӨАТ-ыг цаашид бууруулахгүй. Харин буцаан олголтын хоёр хувийг нэмэхгүй, цаашид өөрчлөх шаардлагатай гэж үзвэл багасгана. НӨАТ татвар нь төсвийн орлогыг бүрдүүлэхээс гадна далд эдийн засгийг ил болгож бүртгэл хамруулдаг систем" гэх хариултыг өглөө.