АН-ын дарга М.Тулгат, нарийн бичгийн дарга О.Баасанхүү, АН-ын гишүүн С.Эрдэнэ нар өнөөдөр мэдээлэл хийлээ.

О.Баасанхүү: “Ц.Туваан намын дүрэмд өөрчлөлт оруулахдаа тухайн үеийн Ерөнхийлөгч Х.Баттулгад үйлчилсэн заалт оруулсан учраас өнгөрсөн наймдугаар сард намаас дөрвөн жилийн хугацаатай хөөх шийдвэр гаргасан. Тухайн үед намын дүрмийн бүртгэлтэй холбоотой шүүхийн асуудал яригдаж байсан. Харин саяхан Захиргааны хэргийн шүүхийн шийдвэр гарч АН-ын дүрмийн асуудлаар шийдвэр гаргасан шүүгч Сонинбаяр нь хууль зөрчсөн байна гэж үзсэн. Тиймээс Ц.Тувааныг АН-аас хөөсөн шийдвэрийг УИХ дахь намын бүлэгт танилцуулсан.

С.Эрдэнэ: АН-ын Үндсэн дүрмийн хороо өнгөрсөн наймдугаар сард Ц.Тувааныг намаас хөөх шийдвэр гаргахдаа УИХ-ын гишүүн Б.Бейсен, Ж.Батсуурь нар сануулах арга хэмжээ авах шийдвэр гаргасан. Өнөөдөр АН-ын удирдлагын баг хуралдаж, Б.Бейсен, Ж.Батсуурь нар АН-д байх ёстой эсэхийг хэлэлцэнэ. Ерөнхийлөгч асан Х.Баттулгын нөлөөнд байдаг АН-ын бүлгийн зарим гишүүд өнөөдөр бусад гишүүдээ Засгийн газарт хариуцлага тооцох асуудалд гарын үсэг зуруулахгүй байх, бүлгийн даргын албан тушаалыг булааж авах оролдлого хийж байгаа.

Б.Жаргал