УИХ-ын хоёр тойрогт Нөхөн сонгуулийн нэмэлт санал хураалт болоход 18 дугаар тойрогт Хэнтий аймагт өрсөлдсөн МАН-ын нэр дэвшигч тус аймгийн Засаг дарга Ц.Идэрбат, 28 дугаар тойрогт Сонгинохайрхан дүүрэгт өрсөлдсөн МАН-ын нэр дэвшигч Э.Батшугар нар ялалт байгуулсан. Сонгуулийн ерөнхий хороо УИХ-ын сонгуулийн тухай хуульд заасны дагуу Монгол Улсын Их Хурлын гишүүнээр сонгогдсонд тооцсон тухай Шийдвэр гаргаж, УИХ-ын гишүүний үнэмлэх олгож, нийтэд мэдээлнэ гэж заасны дагуу өнөөдөр Ц.Идэрбат, Э.Батшугар нарт УИХ-ын гишүүний үнэмлэх олгох аж. Мөн тус хуулийн “74.4”-т заасны дагуу Шийдвэрээ, Нөхөн сонгуулийн дүнгийн хамт УИХ болон Ерөнхийлөгчид өргөн мэдүүлэх юм байна. Ташрамд дуулгахад Ц.Идэрбат Нөхөн сонгуулийн 11 дэх, Э.Батшугар 12 дахь гишүүн болов. Өмнө нь УИХ-ын сонгуулийн 10 тойрогт Нөхөн сонгууль болж УИХ-ын гишүүнээр 10 улстөрч сонгогдож байв.  

1. Н.Энхбаяр- 1997 он. Завхан аймаг

2. Ц.Өөлд- 1998 он. Төв аймаг

3. Д.Цэвээнжав- 1998 он. Дархан-Уул аймаг

4. С.Оюун- 1998 он. Дорнод аймаг аймаг

5. Д.Туяа- 2001 он. Завхан аймаг

6. Б.Өвгөнхүү- 2002 он. Булган аймаг

7. Су.Батболд- 2002 он. Төв аймаг

8. Миеэ.Энхболд- 2005 он. Баянгол дүүрэг

9. Ө.Энхтүвшин- 2006 он. Хөвсгөл аймаг

10. Д.Зоригт- 2009 он. Чингэлтэй дүүрэг

Б.Жаргал