УИХ-ын нөхөн сонгуулийн талаар Сонгуулийн ерөнхий хорооноос мэдээлэл өглөө.
СЕХ-ны дарга П.Дэлгэрнаран "Сонгуулийн хороо өнөөдөр хуралдаж УИХ-ын сонгуулийн тухай хуулийн дагуу хамгийн олон санал авсан нэр дэвшичгийг УИХ-ын гишүүнээр сонгогдсонд тооцож тогтоол гаргалаа.
УИХ-ын 18, 28 дугаар тойргийн нөхөн сонгууль ирц хүрээгүйгээс нэмэлт санал хураалт явуулсан. Ирцийн хувьд өндөр биш ч хуульд зааснаар УИХ-ын нөхөн сонгуулийн нэмэлт санал хураалт дууссан. Өнөөдөр хамгийн олон авсан хүнийг УИХ-ээр сонгогдсон тооцож үнэмлэх гардууллаа.
Тодруулбал, Хэнтий аймгийн 18 дугаар тойрогт 17264 сонгогчийн санал авсан Цагаанхүүгийн Идэрбатыг УИХ-ыг гишүүнээр сонгогдсонд тооцож үнэмлэх олгосон. Тэрбээр нийт санал өгсөн иргэдийн 73.3 хувийг саналыг авсан байна.
Мөн УИХ-ын 28 дугаар тойрог буюу Сонгинохайрхан дүүрэгт нэр дэвшсэн Энхбаярын Батшугар 51.22 хувь буюу 28537 сонгогчийн саналыг авснаар УИХ-ын гишүүнээр сонгогдсон тоооцогдож үнэмлэхээ гардан авсан. Сонгуулийн ерөнхий хорооны шийдвэрийг УИХ болон Ерөнхийлөгчид хүргүүлнэ" гэлээ.
А.Сүх
