АН-ын бүлгийн дарга Д.Ганбат мэдээлэл хийлээ.

Тэрбээр “АН-ын бүлэг өнгөрсөн долоо хоногт хуралдаж энэ үеэр УИХ-ын гишүүн Н.Ганибал зохион байгуулалтын асуудал ярих санал гаргасан. Энэ оны долоодугаар сард Засгийн газарт хариуцлага тооцъё гэдэг шийдвэрийг гаргасныг хэрэгжүүлэх гээд явж байгаа. Үүний тулд УИХ-ын 19 гишүүн гарын үсэг зурдаг.

Манайх 11 гишүүнтэй. Хоёр гишүүн нэгдээд явж байсан.

Нийт гишүүдээс нэлээд хэд нь гарын үсэг зураагүй. Зурсан гишүүд нь буцаж байна. Зөвлөхөөрөө дамжуулж янз бүрийн байдлаар дарамт үзүүлж байна. Гадна, дотроос ч тэр.

Өнгөрсөн долоо хоногт АН хууль ёсны дагуу үйл ажиллагаа явуулж байгаа. Улмаар АН-ын бүлгийн дарга надад чиглэл өгсөн.

АН-ын Үндсэн дүрмийн дагуу Н.Ганибал, Ж.Батсуурь нар нь намын дүрмийг зөрчиж, намын эсрэг удаа дараа үйл ажиллагаа явуулсныг тогтоон намын гишүүнээс дөрвөн жилийн хугацаатай хасах сахилгын шийтгэл оногдуулсан шийдвэр гаргасныг уламжилж байна гэсэн.

Энэ талаар УИХ-ын дарга Г.Занданшатарт хүргүүлсэн байна лээ. Ингэснээр УИХ дахь АН-ын бүлэг найман гишүүнтэй болж байна” гэлээ.

Б.Лхам