УИХ-ын нөхөн сонгуульд МАН-аас нэр дэвшиж сонгогчдын дийлэнх саналыг авч, УИХ-ын гишүүний үнэмлэхээ аваад буй Ц.Идэрбатыг, Э.Батшугар нарын хөрөнгө орлогын мэдүүлгийг танилцуулж байна. 

Хэнтий аймгийн 18 дугаар тойрогт нэр дэвшиж ялалт байгуулаад буй Ц.Идэрбатын хувьд өөрийн жилийн орлогоо 22 сая, гэр бүлийн нийт гишүүдийн жилийн орлогыг 40 сая гэж мэдүүлсэн бөгөөд 266 саяар үнэлэгдэх үл хөдлөх хөрөнгөтэй гэжээ.

Мөн 80 сая төгрөгөөр үнэлэгдэх адуу, үхэртэй, 15 сая төгрөгийн хадгаламж, 104 сая төгрөгийн зээлтэй гэж мэдүүлжээ. 

Харин Э.Батшугар өөрийн жилийн орлогоо 92.6 сая, гэр бүлийн жилийн орлогоо 704 сая гэж мэдүүлжээ. Мөн Тэрбээр нэр дэвшигчдээс хамгийн их буюу 17 компанид хувьцаа эзэмшдэг бөгөөд 162 сая төгрөгийн хадгаламжтай бол хоёр тэрбум төгрөгийн зээлтэй юм байна.

А.Сүх