АН-ын бүлгийн дарга Д.Ганбат өнөөдөр дахин хоёр гишүүн тодруулбал, УИХ-ын гишүүн Н.Ганибал, Ж.Батсуурь нарыг намаасаа хөөж байгаагаа мэдэгдсэн. Тэгвэл тэдгээр гишүүд бүлгийн даргын мэдэгдлийн талаар байр сууриа илэрхийлж, Бүлгийн дарга Д.Ганбатыг хөөх шийдвэр гаргажээ.

УИХ-ын гишүүн Ц.Туваан “АН дээр болж байгаа олон процесс байгаа. Шүүхээс аль ч талд гараагүй шийдвэрийг өөрсдийн талд тайлбарладаг хүмүүс байна.

Тухайлбал, С.Эрдэнэ, Д.Ганбат нар байна.

Өнөөдөр тушаал шийдвэр гаргаад хүн хөөгөөд байгаа нөхдүүдийн шийдвэрийг дэмжсэн нэг ч баг, сум, аймаг байхгүй. Энэ бол АН-ыг сонгуулийн өмнө оруулахгүй байх гэсэн үйлдлүүд. Түүнээс биш бид бүгд цулаараа байгаа гэдгээ албан ёсоор хэлье” гэлээ.

МАН-ын гар хөл болж, сайдын суудал гуйгаад явж байгаа нь үнэхээр гутамшигтай. Иргэдийг хэвлэл мэдээллийн хэрэгслээр төөрөгдүүлж байна. Дээд шүүхээс иргэн С.Эрдэнийн АН-ын даргаар сэргээн бүртгүүлэх хүсэлтээс татгалзсан тухай гурван удаагийн шийдвэр бий. Харин өөрийгөө намын дарга хэвээр байгаа талаар яриад сууж байгаа нь увайгүй үйлдэл хэмээн намын дарга О.Цогтгэрэл хэлсэн юм. 

А.Сүх