Өнөөдөр УИХ дахь АН-ын бүлгийн дарга Д.Ганбат УИХ-ын гишүүн Ж.Батсуурь, Н.Ганибал нарыг намаас хөөх шийдвэр гаргасан тухайгаа мэдэгдсэн. 

Энэ тухай УИХ-ын гишүүн Н.Ганибал "Бүлгийн дарга гэдэг хүн гишүүдээ шууд бүлгээс хасахыг УИХ-ын тухай хуулиар хамгаалчихсан юм билээ.

Тухайн гишүүн бүлгээс гарах хүсэлтээ УИХ-ын даргад бичгээр илэрхийлэхээс дарга дураараа хөөх эрхгүй.

АН-аас сонгогдсон 11 гишүүний долоо нь өнөөдөр хуралдаж шийдвэрээ гаргаад байна. Хоёр гишүүн гадаадад томилолттой байгаа. Бүлгээрээ хэлэлцээд бүлгийн даргаа хариуцлага алдсан гэсэн үндэслэлээр огцруулж байна” гэлээ.

АН-бүлгээс Д.Ганбатыг бүлгийн даргаас огцруулж, Н.Ганибалд бүлгийн ажлыг хариуцуулахаар болсон байна. Харин Д.Ганбат гишүүнийг бүлгийн даргаас огцруулснаас бүлгээс хөөгөөгүй гэсэн тайлбарыг өглөө.

А.Сүх